Blog
In
other , shrjaka-mijavayr
Սևանա լճի և ավազանի բնապահպանական մոնիթորինգը բարելավելու համար ձեռք են բերվել անհրաժեշտ սարքավորումներ
Posted on 13 Դեկտեմբերի, 2023
Դեկտեմբերի 11-ին ՇՄՆ «Հայհիդրոմետ» ՊՈԱԿ-ի լաբորատորիայում տնօրեն Լևոն Ազիզյանը հանդիպել է ԵՄ և Գերմանիայի կառավարության կողմից ֆինանսավորվող և Գերմանական միջազգային համագործակցության ընկերության (ԳՄՀԸ/GIZ) և ՄԱԿ-ի զարգացման ծրագրի կողմից իրականացվող «Սևանա լճի շրջակա միջավայրի պահպանություն» (EU4Sevan) ծրագրի ղեկավար Քրիստիան Հենշելի և ծրագրի ջրային ռեսուրսների համապարփակ կառավարման գծով խորհրդական Ալեքսանդր Առաքելյանի հետ: Eco.am սոցիալական հարթակը Հիդրոօդերևութաբանության և մոնիտորինգի կենտրոնից տեղեկացավ, որ EU4Sevan ծրագրի շրջանակում, նպատակ ունենալով բարելավել Սևանա լճի և ավազանի բնապահպանական մոնիթորինգը, ձեռք են բերվել․ 1․ ամենագնաց ավտոմեքենա դաշտային նմուշառման և դաշտային հետազոտական աշխատանքների համար, 2․ջրածնային ցուցչի, հաղորդականության, ջրում լուծված աղերի և լուծված թթվածնի որոշման անալիզատորներ, 3․լաբորատոր սառնարան՝ ստանդարտ լուծույթների, նյութերի և նմուշների պահման համար, 4․ լաբորատոր չորանոց՝ նմուշները կայուն ջերմաստիճանային պայմաններում չորացնելու համար։ Հանդիպման ընթացքում ցուցադրվել է EU4Sevan ծրագրի օգնությամբ ձեռք բերված սարքավորումները և տեխնիկան: «Հայհիդրոմետ» ՊՈԱԿ-ի տնօրեն Լևոն Ազիզյանը Քրիստիան Հենշելին շնորհակալություն հայտնել ցուցաբերած օժանդակության համար, նշելով ինչպես լաբորատորիայի տեխնիկական կարողությունները հզորացնելուն ուղղված միջոցառումների կարևորության, այնպես էլ աշխատակիցների մասնագիտական կարողությունների բարելավմանն ուղղված դասընթացների կազմակերպման մասին: Պարոն Հենշելն էլ իր հերթին կարևորել է «Հայհիդրոմետ» ՊՈԱԿ-ի հետ համագործակցությունը` լաբորատորիայի շարունակական տեխնիկական վերազինման և աշխատակիցների կարողությունների զարգացման հարցում և հույս հայտնեց, որ հետագա համագործակցությունները նույնպես արդյունավետ կլինեն և կնպաստեն Սևանա լճի էկոհամակարգի առավել արդյունավետ և կայուն կառավարմանը։ ԿԱՐԴԱՑԵՔ ՆԱԵՎ https://eco.am/%d6%86%d5%ab%d5%b6%d5%a1%d5%b6%d5%bd%d5%a1%d5%af%d5%a1%d5%b6-%d5%a1%d5%bb%d5%a1%d5%af%d6%81%d5%b8%d6%82%d5%a9%d5%b5%d5%b8%d6%82%d5%b6%d5%9d-%d5%bd%d6%87%d5%a1%d5%b6%d5%a1-%d5%ac%d5%b3%d5%ab-%d6%87/
In
other , shrjaka-mijavayr
Բեռնի կոնվենցիան ընդունեց մինչև 2030թ․բնության պահպանման ռազմավարական պլանը
Posted on 12 Դեկտեմբերի, 2023
Նոյեմբերի 27-ից դեկտեմբերի 1-ը Ստրասբուրգում կայացավ Բեռնի կոնվենցիայի (ամբողջական անվանումը՝ Կոնվենցիա Եվրոպայի վայրի բնության և բնական միջավայրի պահպանության մասին) կոմիտեի 43-րդ նիստը։ Նիստի ընթացքում կոնվենցիայի մշտական հանձնաժողովը ընդունեց 2030 թվականի ռազմավարական պլանը: Eco.am սոցիալական հարթակը ՀՀ շրջակա միջավայրի նախարարությունից տեղեկացավ, որ նիստին մասնակցել են «Եվրոպայի վայրի բնության և բնական միջավայրի պահպանության մասին» կոնվենցիայի ազգային համակարգող Տաթևիկ Ցյուրքերը և «Աֆրիկյան-Եվրասիական չվող ջրային թռչունների պահպանության մասին» համաձայնագրի ազգային համակարգող Կարեն Աղաբաբյանը։ Թեև Կոնվենցիայի 44-ամյա գործունեության ընթացքում կոնվենցիան իրականացնում է բազմաթիվ ծրագրեր և թիրախներ, այնուամենայնիվ առաջին անգամն է, որ կոնվենցիան հանդես է գալիս նման համապարփակ և պարզեցված տեքստով՝ հստակ ներկայացնելով նպատակներ, ցուցիչներ և թիրախներ և միարժամանակ հետևում է այլ բնապահպանական հաստատություններին, որոնք վերջերս ընդունել են ռազմավարություններ, մասնավորապես 2030 թվականին Եվրոպական հանձնաժողովի Կենսաբազմազանության ռազմավարությունը և Կունմինգ-Մոնրեալի գլոբալ կենսաբազմազանության շրջանակը 2030/2050 (GBF): Ռազմավարական ծրագիրը մշակվում էր 3 տարի, սակայն Covid 19-ի համաճարակի և գլոբալ կենսաբազմազանության շրջանակը վերջնականացման պատճառով այն հետաձգվում էր։ Այժմ մշտական հանձնաժողովի անդամ պետությունները պատրաստակամություն են հայտնել աշխատել միասին՝ իրականացնելու ռազմավարական պլանը ինչպես տեղական այնպես էլ համաեվրոպական մակարդականերում։ Ռազմավարական ծրագիրը հետևում է 2021 թվականին Կոմիտեի կողմից Բեռնի տեսլականի կոնվենցիայի ընդունմանը մինչև 2030 թվականը և դրա 4 նպատակները. ՆՊԱՏԱԿ 1. Մեծացնել բնական և կիսաբնական էկոհամակարգերի տարածքը, կապը, ամբողջականությունը և ճկունությունը, այդ թվում՝ պահպանվող տարածքների և այլ արդյունավետ տարածքների բնապահպանական միջոցառումները, որոնք ընդգրկում են ցամաքային և ծովային տարածքների առնվազն 30%-ը: ՆՊԱՏԱԿ 2. Բարելավվել վտանգված տեսակների պահպանության կարգավիճակը, խթանել տեղական տեսակների առկայությունը և դադարեցնել է մարդածին ազդեցության պատճառով տեսակների անհետացումը։ ՆՊԱՏԱԿ 3. Վայրի բուսական և կենդանական աշխարհի և նրանց բնական միջավայրերի , պահպանվում և ընդլայնվում է ապահովելով անվտանգ, մաքուր, առողջ և կայուն միջավայր: ՆՊԱՏԱԿ 4. Բավարար ռեսուրսներն առկա են և արդյունավետորեն օգտագործվում են ռազմավարական ծրագրի բոլոր նպատակներին հասնելու համար: Մշտական կոմիտեի նախագահ տիկին Մերիկե Լինամագին նշել է, որ այժմ կմեկնարկեն Ռազմավարական ծրագրի իրականացման ուղղությամբ աշխատանքները, և Բեռնի կոնվենցիան կհետևի ձեռք բերված առաջընթացին, և թե ինչպես են տարբեր գործիքակազմը կարող է օգնել կողմերին դրա իրականացման գործում: Բեռնի կոնվենցիայի քարտուղար պարոն Միքայել Փոուտիսերը նշել է, որ ընդունված ռազմավարական ծրագիրը կհեշտացնի համագործակցությունը Բեռնի կոնվենցիայի կողմերի միջև և, ի վերջո, կօգնի Եվրոպայում և նրա սահմաններից դուրս կենսաբազմազանության առավել լավ պաշտպանությանը: Ռազմավարական ծրագրի հետ մեկտեղ ընդունվել է նաև առաջարկություններ, որը կուղղորդի դրա իրականացումը, ներառյալ միջնաժամկետ և վերջնական վերանայումները: 2024 թվականին կձևավորվի Կողմերի և դիտորդային կազմակերպություններից կազմված աշխատանքային խումբը, որն էլ կհետևի ռազմավարական ծրագրի իրականացման աշխատանքների ընթացքին։
In
other , shrjaka-mijavayr
Սևանա լճի ջրհավաք ավազանի ռազմավարական խնդիրները քննարկվեց ՀՀ ԳԱԱ-ում
Posted on 12 Դեկտեմբերի, 2023
ՀՀ Գիտությունների ազգային ակադեմիայում քննարկվել են Սևանա լճի ջրհավաք ավազանի ռազմավարական խնդիրները և ներկայացվել են ԵՄ և Գերմանիայի կառավարության կողմից ֆինանսավորվող և Գերմանական միջազգային համագործակցության ընկերության ու ՄԱԿ-ի զարգացման ծրագրի կողմից իրականացվող «Սևանա լճի շրջակա միջավայրի պաhպանություն» (EU4Sevan) ծրագրի ընթացիկ արդյունքները։
Eco.am սոցիալական հարթակը ՀՀ Գիտությունների ազգային ակադեմիայից տեղեկացավ, որ քննարկմանը մասնակցել են ՀՀ ԳԱԱ Սևանա լճի պահպանության փորձագիտական հանձնաժողովի անդամները, EU4Sevan ծրագրի թիմը, ՀՀ շրջակա միջավայրի, ՀՀ տարածքային կառավարման և ենթակառուցվածքների, ՀՀ էկոնոմիկայի նախարարությունների և «Սևան» ազգային պարկի ներկայացուցիչները։
ՄԱԶԾ կլիմայի, շրջակա միջավայրի, կայունության թիմի ղեկավար Հովհաննես Ղազարյանը նշեց, որ Սևանա լճի ջրհավաք ավազանի կառավարումը հնարավոր չէ առանց գիտական որոշումների: «Մշակվել է Սևանա լճի տեսլականը, ռազմավարությունը, արդեն շարժվում ենք դեպի «Սևանա լճի մասին» օրենքը, որն առանցքային է», - ասաց նա։
«Եղած արդյունքներով մենք հասկացել ենք, որ պետք է կրճատվի լճի ավազանի տարածքում ֆոսֆորի օգտագործումը, որովհետև այն լուրջ խնդիրներ է առաջացնում Սևանի համար»,-ընդգծեց EU4Sevan ծրագրի ղեկավար Քրիստիան Հենշելը։
EU4Sevan ծրագրի ՄԱԶԾ բաղադրիչի համակարգող Աստղիկ Դանիելյանն ասաց, որ ներկայում մշակվում է «Սևան» ազգային պարկի կառավարման պլանը, որով լուծվելու են «Սևան» ազգային պարկի սահմանազատման և սահմանների ճշգրտման հարցերը։ Մշակվել և ՀՀ շրջակա միջավայրի նախարարություն է ուղարկվել Սևանա լճի երկարաժամկետ ազգային տեսլականը։ «Այս փուլում ծրագիրն աշխատում է ռազմավարության մշակման ուղղությամբ։ 2024 թվականի գարնանն այդ աշխատանքները կմոտենան ավարտին։ Հաջորդ կարևոր գործողությունը «Սևանա լճի մասին» օրենքի վերանայումն է։ Այստեղ մենք ակնկալում ենք Սևանա լճի պահպանության փորձագիտական հանձնաժողովի գիտական աջակցությունը, ինչը կօգնի մեզ առավել արդյունավետ իրականացնել այդ գործընթացը։ Երբ մենք կունենանք համապարփակ ազդեցության գնահատումը, կմշակվի նաև ճանապարհային քարտեզը», - ասաց Աստղիկ Դանիելյանը։
EU4Sevan ծրագրի խորհրդական Էդգար Փիրումյանը ներկայացրեց լճի ավազանում կոյուղաջրերի կառավարման խնդիրը․ «Ներկայում Սևանա լճի ավազանում կա երեք մաքրման կայան՝ Գավառում, Մարտունիում և Վարդենիսում։ Այդ կայաններն իրականացնում են ոչ լիարժեք մեխանիկական մաքրում։ Մի շարք ռազմավարական ծրագրերում ամրագրված է, որ կեղտաջրերի մաքրումը պետք է իրականացվի լիարժեք ցիկլով՝ մեխանիկական և կենսաբանական, սակայն դա չի արվում՝ պարզաբանելով, որ առկա են որոշակի խնդիրներ։ Այստեղ անհրաժեշտ է կենսաբանական մաքրում։
Կեղտաջրերի առաջացումը և արտահոսքը դեպի Սևանա լճի ջրհավաք ավազան տեղի են ունենում ցրված եղանակով, և առկա են տարբեր տեսակի աղտոտման անկառավարելի աղբյուրներ։ Սևանա լճի ավազանում ոչ բոլոր համայնքներն են կոյուղացված։ Օրինակ, Գավառի դեպքում կոյուղացված է համայնքի 50 տոկոսը։ Ծրագրի շրջանակներում իրականացվեց տեխնիկատնտեսական հետազոտություն, առաջարկվեցին լուծումներ, որոնցից մեկը Գավառի մեխանիկական բաղադրիչի արդիականացումն է, որն արժանացավ հավանության։ Նախագիծը ներկայում անցնում է շրջակա միջավայրի վրա ազդեցության փորձաքննություն»։
Ծրագրի խորհրդական Հովիկ Սայադյանը նշեց, որ Սևանա լճի աղտոտման հիմնական աղբյուրներից մեկը գոմաղբն է, որը տարբեր հատվածներից գետերով հասնում է լիճ։ Ծրագրի շրջանակներում առանձնացվել է երեք ռազմավարական հիմնախնդիր՝ գոմաղբի հավաքում, տեղափոխում և պահում, աստիճանական անցում հանքային պարարտանյութերից և թունաքիմիկատներից դեպի օրգանական ծագման պարարտանյութեր, պետական և հասարակական լայն աջակցություն և իրազեկում՝ ուղղված օրգանական ծագման պարարտանյութերի օգտագործման ընդլայնմանը։
Ծրագրի շրջանակներում վերհանվել են 19 բնակավայրերի գոմաղբի կուտակման սահմանները, կատարվել են ջրային միջավայր լցվող ազոտի և ֆոսֆորի քանակական հաշվարկներ, առաջարկվել են տարբեր գիտահեն տեխնոլոգիական լուծումներ։ ՀՀ կառավարության պատվերով մշակվել է կենսաբանական թափոններից օրգանական պարարտանյութերի արտադրության և օգտագործման քաղաքականության տեսլական։
Ծրագրի խորհրդական Ալեքսանդր Առաքելյանը ներկայացրեց շրջակա միջավայրի մոնիթորինգի և բնապահպանական տվյալների կառավարման բաղադրիչը։ Ըստ նրա՝ մշակվում է Սևանա լճի ավազանում մոնիթորինգի համապարփակ հայեցակարգը և Հայաստանի էկոպորտալի Սևանա լճի բաժինը։
Համայնքային մակարդակում գործողությունները և իրազեկության բարձրացման հարցերը ներկայացրեց ծրագրի խորհրդական Վարազդատ Սարգսյանը։
ՀՀ ԳԱԱ Սևանա լճի պահպանության փորձագիտական հանձնաժողովի անդամ, ՀՀ ԳԱԱ Երկրաբանական գիտությունների ինստիտուտի տնօրեն Խաչատուր Մելիքսեթյանն ասաց․ «Սևանա լճի ավազանի խնդիրների մասին խոսում ենք տասնամյակներով։ Արդեն վաղուց կա անհրաժեշտություն կոնկրետ քայլերի։ Նման հանդիպումներն ապագայում ևս պետք է անցկացվեն՝ հասկանալու համար, թե կոնկրետ ինչ քայլեր են արվել»։
ՀՀ ԳԱԱ Սևանա լճի պահպանության փորձագիտական հանձնաժողովի նախագահ Բարդուխ Գաբրիելյանը նշեց․ «Մենք խոսում ենք ֆոսֆատների մասին, որոնք մասնակցում են ծաղկման գործընթացներին։ Պետք է իջեցնենք ֆոսֆորի աղտոտվածության մակարդակը։ Ըստ իս՝ կարող ենք ներդնել աէրացիոն համակարգ, որը ֆոսֆորի մեծ մասը կենթարկի օքսիդացման, հանքայնացում տեղի կունենա։ Շատ հարցեր առաջացան, և հույս ունեմ, որ այս հանդիպումները կլինեն շարունակական՝ երկկողմանի հետաքրքրության հարցերին անդրադառնալու համար»։
ԿԱՐԴԱՑԵՔ ՆԱԵՎ
Որտեղի՞ց է սկսվում Սևանա լճի ծաղկումը․ մեդիա տուր՝ Սևանի ջրհավաք ավազանում
https://eco.am/%d5%ab%d5%b6%d5%b9%d5%b8%d5%9e%d6%82-%d5%a7-%d5%af%d5%a1%d5%b6%d5%a1%d5%b9%d5%b8%d6%82%d5%b4-%d5%bd%d6%87%d5%a1%d5%b6%d5%a1-%d5%ac%d5%ab%d5%b3%d5%a8%e2%80%a4-%d5%a1%d5%b0%d5%a1%d5%a6%d5%a1%d5%b6%d5%a3/
In
other , eco-aprelakerp , eco-mshakuyt
Հայաստանում 1-ին անգամ տեղի կունենա «Տուն տեղ» դիզայն մրցանակաբաշխությունը
Posted on 8 Դեկտեմբերի, 2023
Հայաստանում առաջին անգամ տեղի կունենա «Տուն տեղ» դիզայն Մրցանակաբաշխությունը, որի ընթացքում հայտնի կդառնան ոլորտի լավագույն մասնագետները։ Մրցանակաբաշխությունն ընդգրկել է ինտերիեր և էքստերիեր դիզայնի, հայկական ճարտարապետության, ժամանակակից արվեստի և հարակից ոլորտները։ Կազմակերպիչների նպատակը մեկն է, մեկ հարկի տակ միավորել ոլորտի ներկայացուցիչներին, գերխնդիր դարձնելով ժամանակակից հայկական ճարտարապետության ձևավորումը, որում իր առանձնահատուկ տեղը կունենա էկո ճարտարապետությունը։ «Տուն տեղ» դիզայն առաջին մրցանակաբաշխությունը նվիրված է Երևանի հատակագծի հեղինակ, ճարտարապետ Ալեքսանդր Թամանյանի 145-ամյակին։ Մրցանակաբաշխության ընթացքում կցուցադրվի ճարտարապետին նվիրված ֆիլմի ցուցադրություն։ 300-ից ավելի հայտ ներկայացրած մասնակիցներից տեղական և արտերկրյա հեղինակավոր մասնագետներից կազմված անկախ փորձագիտական հանձնաժողովը ընտրել է 16 լավագույններին, որոնք հայտնի կդառնան հենց դեկտեմբերի 11-ին կայանալիք մրցանակաբաշխության ժամանակ։ Մրցանակաբաշխության հրավիրված հյուրերի ցանկում են հայկական բազմաթիվ խոշոր ընկերություններ, դիվանագիտական անձիք, հանրային դեմքեր և այլ ոլորտների անվանի ներկայացուցիչներ։ 16 անվանակարգերում ընդգրկված լավագույններին «Ապակե աղյուս» հատուկ մրցանակները կհանձնեն տարբեր ոլորտների անվանի ու հանրային դեմքեր։ Ինչպես նաև բազմաթիվ այլ նվերներ՝ «Տուն տեղ» դիզայն մրցանակաբաշխության գործընկերների կողմից։ Ի դեպ, 16 անվանակարգերից մեկը կրում է «Էկո դիզայն» անվանումը, այդ անվանակարգում լավագույնը ճանաչված մասնակցին «Ապակե աղյուս» մրցանակը կհանձնեն «ԷկոՎիլ» սոլար ընկերության համահիմնադիրներ Տիգրան Օխանյանը և Վարդան Հովսեփյանը։ «Տուն տեղ» դիզայն մրցանակաբաշխությունը տեղի կունենա դեկտեմբերի 11-ին, ժամը՝ 20։00-ին «Մոսկվա» կինոթատրոնի մեծ դահլիճում։
In
other , eco-aprelakerp
Էկոկյանք․ հնդիկ կինը ձայնասկավառակներից կախովի լուսամփոփ է պատրաստում․ տեսանյութ
Posted on 8 Դեկտեմբերի, 2023
Հաճախ մենք աղբաման ենք նետում ինչ պատահի, մինչդեռ արտերկրում հասարակությունը վաղուց սովոր է աղբաման նետելիս տարանջատել վերամշակվող աղբը` սննդի մնացորդից։
Իսկ ստեղծագործական միտք ունեցող անհատը երբեմն թափոնը վերածում է արվեստի նմուշի, այն օգտակար դարձնելով կենցաղում։ Արդյունքում նաև օգտակար է լինում շրջակա միջավայրին՝ այն փրկելով ավելորդ աղբից։
Օրինակ, այս հնդիկ կինը, որն արդեն օգտագործված ու դեն նետելու ենթակա ձայնասկավառակները վերամշակելով այն վերածում է յուրօրինակ կախովի լուսամփոփի։
Մանրամասները՝ տեսանյութում․
[video width="360" height="640" mp4="https://eco.am/wp-content/uploads/2023/12/10000000_320435520517558_2691795646763377022_n.mp4"][/video]
In
other , eco-aprelakerp , eco-energia
Ինչպե՞ս խնայել շրջակա միջավայրի ռեսուրսները․ խորհուրդներ՝ UNDP-ից․ տեսանյութ
Posted on 7 Դեկտեմբերի, 2023
Օգտագործելով LED լամպեր խնայում ենք ոչ միայն էլեկտրաէներգիա, այլև մեր շրջակա միջավայրի ռեսուրսները։ Eco.am սոցիալական հարթակն արդեն ներկայացրել է ՄԱԿ-ի Զարգացման ծրագրի (ՄԱԶԾ) էներգաարդյունավետության նախագծերի (UNDP Armenia Energy Efficiency Projects) առաջարկած մի քանի պարզ խորհուրդներ, սակայն այս անգամ կազմակերպությունն առաջարկում է վերանայել ձեր ապրելակերպը, խնայել՝ քայլելով ժամանակին համընթաց։ Էներգաարդյունավետ վարքագիծ դրսևորելու համար նախագծին միացել է նաև տեղեկատվական տեխնոլոգիաների անվտանգության փորձագետ Սամվել Մարտիրոսյանը։ Մանրամասները՝ տեսանյութում․ [video width="640" height="360" mp4="https://eco.am/wp-content/uploads/2023/12/407504174_732255588798286_9203285841076486481_n.mp4"][/video] ԿԱՐԴԱՑԵՔ ՆԱԵՎ https://eco.am/%d5%ab%d5%b6%d5%b9%d5%ba%d5%a5%d5%bd-%d5%a7%d5%b6%d5%a5%d6%80%d5%a3%d5%a1%d5%a1%d6%80%d5%a4%d5%b5%d5%b8%d6%82%d5%b6%d5%a1%d5%be%d5%a5%d5%bf-%d5%be%d5%a1%d6%80%d6%84%d5%a1%d5%a3%d5%ab%d5%ae-%d5%a4/
In
other , shrjaka-mijavayr
Երբ ձմռանը օդի ջերմաստիճանը կտրուկ բարձրանում է, մտածում են` երկրաշարժ է լինելու․ Գագիկ Սուրենյան
Posted on 7 Դեկտեմբերի, 2023
Վերջին օրերին, երբ Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը հայտարարեց, որ այս տարի սպասվում է տաք դեկտեմբեր, հանրության մոտ սկսվեց այն անհանգստությունը, թե՝ 1988 թվականի դեկտեմբերի 7-ին տեղի ունեցած աղետալի երկրաշարժի օրը նույնպես գրանցվել էր տաք ջերմաստիճան։ «1988 թվականի դեկտեմբերի 7-ին շատ տաք է եղել, Երևանում օդի ջերմաստիճանը հասել է +13…+15, Գյումրիում մոտ +8...+10 աստիճանի: Այս հանգամանքով է պայմանավորված այն մտավախությունը, որ երբ ձմռանը օդի ջերմաստիճանը կտրուկ բարձրանում է, մարդիկ մտածում են, որ երկրաշարժ է լինելու»,-ֆեյսբուքյան իր էջում գրել է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։ Ըստ Գ․ Սուրենյանի, գիտական ուսումնասիրությունները ցույց են տվել, որ մթնոլորտային երևույթները կապ չունեն երկրաբանական երևույթների հետ․ «Դա պարզապես համընկել է: 1988 թվականից հետո դեկտեմբերին շատ ավելի էական տաքացումներ են եղել, սակայն երկրաշարժ չի արձանագրվել»,- փաստել է Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը:
In
other , eco-aprelakerp , shrjaka-mijavayr , %d5%a7%d5%af%d5%b8%d5%af%d6%80%d5%a9%d5%b8%d6%82%d5%a9%d5%b5%d5%b8%d6%82%d5%b6
«Մաքուր ապագա»․ աղբահավաք Սևանա լճի ափին
Posted on 6 Դեկտեմբերի, 2023
Eco.am սոցիալական հարթակը Գերմանիայի բնության պահպանության միության NABU հայաստանյան մասնաճյուղից տեղեկացավ, որ «մաքուր ապագա» ծրագրի շրջանակներում կամավորներն իրականացրել են աղբահավաք՝ Սևանա լճի ափին, որի ընթացքում հայտնաբերվել են՝ 1․ Ահռելի մեծ քանակությամբ ձկնորսական ցանցեր, 2․ Պլաստիկ շշեր, 3․Ապակյա շշեր, 4․Կոշիկի տակացուներ, 5․ Կենցաղային մի շարք պարագաներ։ Աղբահավաքի ավարտին մասնակիցները կազմակերպության կողմից ստացել են հավաստագրեր՝ կատարած մեծ աշխատանքի համար։ Ցուցաբերած ակտիվության ու սրտացավության համար Գերմանիայի բնության պահպանության միության NABU հայաստանյան մասնաճյուղը շնորհակալություն է հայտնում «մաքուր համայնք» կամավորական խմբին և ծրագրի շրջանակներում գործող էկոակումբի անդամներին։ Իսկ հանրությանը խնդրում և հորդորում՝ չնետել աղբը լիճը, գետնին կամ դրա համար չնախատեսված վայրերում։ Եկեք հոգ տանենք մեր շրջակա միջավայրի մասին մեր իսկ բարօրության համար։ ԿԱՐԴԱՑԵՔ ՆԱԵՎ https://eco.am/%d5%b6%d5%b8%d6%80-%d5%b6%d5%a1%d5%ad%d5%a1%d5%a3%d5%ab%d5%ae%d5%9d-%d5%b4%d5%a1%d6%84%d5%b8%d6%82%d6%80-%d5%a1%d5%ba%d5%a1%d5%a3%d5%a1%e2%80%a4-%d5%b7%d6%80%d5%bb%d5%a1%d5%af%d5%a1-%d5%b4%d5%ab/
In
other , eco-aprelakerp , eco-texnologianer , %d5%a7%d5%af%d5%b8%d5%a1%d5%b6%d5%af%d5%b5%d5%b8%d6%82%d5%b6
Արևային տեխնոլոգիաների միջոցով Հայաստանը ընձեռում է հնարավորություն լուծելու ջեռուցման հարցը․ Էկոանկյուն
Posted on 6 Դեկտեմբերի, 2023
«Ձմռանը զուգահեռ ջեռուցման հարցը ավելի ակտուալ է դառնում: Սակայն չպետք է հարցը թողնել վերջին ամիսներին»,- Կարեն Գրիգորյանի «Էկոանկյուն» հաղորդաշարի ժամանակ ասում է «ԷկոՎիլ» արևային տեխնոլոգիաների ընկերության տնօրեն Վարդան Հովսեփյանը և շեշտում, որ բարեբախտաբար այսօր Հայաստանը ընձեռում է հնարավորություն լուծելու տաք ջեռուցման հարցը՝ հենց արևային տեխնոլոգիաների միջոցով: Վարդանյանի դիտարկմամբ վերջերս տեղի ունեցած փոխհոսքերի մասին օրենքի փոփոխությունը բավականին օգնող փաստ էր, որից չպետք է հրաժարվել: Մանրամասները՝ տեսանյութում․
In
other , %d5%a7%d5%af%d5%b8%d5%af%d6%80%d5%a9%d5%b8%d6%82%d5%a9%d5%b5%d5%b8%d6%82%d5%b6 , %d5%a7%d5%af%d5%b8%d5%a1%d5%b6%d5%af%d5%b5%d5%b8%d6%82%d5%b6
«Կանաչ պատ»՝ Երևանի բուսաբանական այգում
Posted on 5 Դեկտեմբերի, 2023
Ի դեպ, Կանաչ պատի» բույսերը փոխվում են ըստ սեզոնի։
Բնության և մարդկային ջանքերի համադրությամբ «Կանաչ պատը» ծառայում է որպես բնապահպանական կայունության և համայնքային համագործակցության ներդաշնակ համակեցության կենդանի վկայություն:
ԿԱՐԴԱՑԵՔ ՆԱԵՎ
https://eco.am/%d5%a2%d5%b8%d6%82%d5%bd%d5%a1%d5%a2%d5%a1%d5%b6%d5%a1%d5%af%d5%a1%d5%b6-%d5%a1%d5%b5%d5%a3%d5%b8%d6%82%d5%b4-%d5%a2%d5%a1%d6%81%d5%be%d5%a5%d6%81-%d5%a7%d5%af%d5%b8%d5%ac%d5%b8%d5%a3%d5%ab%d5%a1/
