| Մթերք | Սպիտակուցներ (գր.) | Ճարպեր (գր.) | Ածխաջրեր (գր.) | Կկալ |
| Սմբուկ | 0,6 | 0,1 | 5,5 | 24 |
| Ճակնդեղ | 1,7 | - | 10,8 | 48 |
| Կանաչ լոբի | 4,0 | - | 4,3 | 32 |
| Կանաչ ոլոռ | 5,0 | 0,2 | 13,3 | 72 |
| Դդմիկ | 0,6 | 0,3 | 5,7 | 27 |
| Սպիտակ կաղամբ | 1,8 | - | 5,4 | 28 |
| Մանուշակագույն կաղամբ | 1,8 | - | 6,1 | 31 |
| Ծաղկակաղամբ | 2,5 | - | 4,9 | 29 |
| Կարտոֆիլ | 2,0 | 0,1 | 19,7 | 83 |
| Կանաչ սոխ | 1,3 | - | 4,3 | 22 |
| Լոլիկ | 0,6 | 4,2 | 19 | |
| Սոխ | 1,7 | - | 9,5 | 43 |
| Գազար | 1,3 | 0,1 | 7,0 | 33 |
| Վարունգ | 0,8 | - | 3,0 | 15 |
| Սպանախ | 2,9 | - | 2,3 | 21 |
| Կանաչ պղպեղ | 1,3 | - | 4,7 | 23 |
| Կարմիր պղպեղ | 1,3 | - | 5,7 | 27 |
| Մաղադանոս | 3,7 | - | 8,1 | 45 |
| Սխտոր | 6,5 | - | 21,2 | 106 |
| Ծիրան | 0,9 | - | 10,5 | 46 |
| Բանան | 1,5 | - | 22,4 | 91 |
| Գիլաս | 0,8 | - | 11,3 | 49 |
| Նուռ | 0,9 | - | 11,8 | 52 |
| Տանձ | 0,4 | - | 10,7 | 42 |
| Դեղձ | 1,0 | - | 9,7 | 45 |
| Խնձոր | 0,4 | - | 11,3 | 46 |
| Նարինջ | 0,9 | - | 8,4 | 39 |
| Սպիտակ հաց | 4,7 | 0,7 | 49,8 | 214 |
| Բրինձ | 7,0 | 0,6 | 73,7 | 323 |
| Հնդկաձավար | 12,6 | 2,6 | 68,0 | 329 |
| Հատիկավոր լոբի | 22,3 | 1,7 | 54,5 | 309 |
| Ոլոռ | 23,0 | 1,2 | 53,3 | 303 |
| Տավարի միս | 18,9 | 12,4 | - | 187 |
| Անյուղ խոզի միս | 16,4 | 27,8 | - | 316 |
| Հավի միս | 20,8 | 8,8 | 0,6 | 165 |
| Ձու | 12,7 | 11,5 | 0,7 | 157 |
| Պնդուկ | 16,1 | 66,9 | 9,9 | 704 |
| Նուշ | 18,6 | 57,7 | 13,6 | 645 |
| Ընկույզ | 13,8 | 61,3 | 10,2 | 648 |
| Գետնանուշ | 26,3 | 45,2 | 9,7 | 548 |
Blog
In
other , eco-aprelakerp , shrjaka-mijavayr
Արցախում կհիմնվի անտառային ծառատեսակների տնկարանային տնտեսություն և «Արցախանտառ» ՊՈԱԿ-ին կնվիրաբերվի 100.000 տնկի
Posted on 8 Ապրիլի, 2021
Շրջակա միջավայրի նախարար Ռոմանոս Պետրոսյանն աշխատանքային այցով գտնվում է Արցախի Հանրապետությունում։ Այցի շրջանակում նախարարը հանդիպել է Արցախի Հանրապետության տարածքային կառավարման և ենթակառուցվածքների նախարար Հայկ Խանումյանի հետ Հանդիպմանը մասնակցում էին նախարարի խորհրդական Հ. Մարտիրոսյանը, Շրջակա միջավայրի նախարարության Անտառային կոմիտեի նախագահի ժ/պ Ա. Պետրոսյանը, «Հայանտառ» ՊՈԱԿ-ի տնօրենի ժ/պ Պ. Ցուգունյանը, Արցախի Հանրապետության տարածքային կառավարման և ենթակառուցվածքների նախարարի տեղակալ Վ. Սաֆարյանը, «Արցախանտառ» ՊՈԱԿ-ի տնօրեն Ա. Ներսեսյանը, անտառների կայուն կառավարման և անտառաշինական ծրագրերի իրականացման բաժնի պետ Վ. Ահարոնյանը և «Ջրամատակարարում» ՓԲԸ-ի տնօրեն Գ. Հայրապետյանը։ Հանդիպման ընթացքում նախարար Հայկ Խանումյանի և Արցախի գործընկերների հետ քննարկվել են միջգերատեսչական համագործակցության շրջանակի ընդլայնման ու խորացման, փորձի փոխանակման և գործընկերային հարաբերությունների ամրապնդմանն ուղղված հարցեր։ Անդրադարձ է կատարվել հետպատերազմյան շրջանում երկրում ստեղծված իրավիճակի հաղթահարման ուղիներին, կենսագործունեության լիարժեք վերականգնմանը և շրջակա միջավայրի կառավարման համակարգի անխափան աշխատանքին վերաբերող հարցերի: Շրջակա միջավայրի նախարարության «Հայանտառ» ՊՈԱԿ-ի գործուն աջակցությամբ Արցախում կհիմնվի 1 հա տնկարանային տնտեսություն, ինչպես նաև՝ «10 մլն ծառ» նախաձեռնության շրջանակում Արցախի Հանրապետության տարածքային կառավարման և ենթակառուցվածքների նախարարության ենթակայության տակ գործող «Արցախանտառ» ՊՈԱԿ-ին կնվիրաբերվի 100.000 տնկի՝ շուրջ 30 հա անտառտնկման և անտառվերականգնման համար։ Քննարկվել է Շրջակա միջավայրի նախարարության տեխնիկական հզորությունների օգտագործման միջոցով Արցախի Հանրապետության անտառների մոնիթորինգի հնարավոր կազմակերպումը։ Կողմերն անդրադարձել են նաև ջրային ոլորտի և ջրային ռեսուրսների կենսական կարևորության խնդրին։ Առկա խնդիրների կարգավորման նպատակով մի շարք պայմանավորվածություններ են ձեռք բերվել։
In
other , eco-aprelakerp , eco-snund
Էկո հանրագիտարան. Հազար
Posted on 8 Ապրիլի, 2021
Հաճախ հազարն օգտագործում ենք աղցանների ու ճաշատեսակների մեջ, սակայն միշտ չէ, որ ուշադրություն ենք դարձնում նրա առողջարար հատկություններին։ Հազարն ունի բազմաթիվ օգտակար հատկություններ, այն հարուստ է K և A վիտամիններով: Պարունակում է կենսաբանորեն ակտիվ բազմաթիվ նյութեր և ունի շատ ցածր էներգետիկ արժեք։ Հազարը հարուստ է հատկապես հակաօքսիդիչներով։ Այս կանաչ բանջարեղենն օգնում է պայքարել բորբոքումների և հարակից այլ հիվանդությունների դեմ: Հազարը գեր մարդկանց համար անփոխարինելի սննդամթերք է, այն օգնում է նվազեցնել մարմնի քաշը, կարգավորել մարսողությունը, խթանել ուղեղի առողջությանը և նվազեցնել սրտանոթային հիվանդությունների ռիսկը: Հազարը կարող է պայքարել բորբոքման դեմ Ըստ իրանական ուսումնասիրությունների, հազարի մեջ պարունակվող որոշակի սպիտակուցներ օգնում են վերահսկել օրգանիզմում եղած բորբոքումները: Հետազոտության համաձայն, հազարը օգտագործվել է ժողովրդական բժշկության մեջ ՝ բորբոքումն ու օստեոդինիան՝ ոսկորների ցավը թեթեւացնելու համար։ Հազարի մեջ պարունակվող A, E և K վիտամինները կարող են օգնել որպեսզի օրգանիզմից նվազեն բորբոքումները։ Որքան մուգ է հազարը, այնքան շատ հակաօքսիդանտներ ունի այն, և ավելի լավ կարող է պայքարել բորբոքման դեմ: Հազարը հայտնի է նաև որպես ցավազրկող սնունդ: Կարող է օգնել քաշի նվազեցմանը Հազարը կարող է լինել նիհարելու իդեալական սնունդ: Հազարի մեկ բաժինը պարունակում է ընդամենը 5 կալորիա: Ավելին, հազարն օգնում է հաղթահարել միկրոէլեմենտների բացը: Հազարն ունի էներգիայի ցածր խտություն, ինչպես նաև ցածր յուղայնություն: Կարող եք ձեր ապուրների մեջ մեկ մեծ հազար ավելացնել: Այնուամենայնիվ, չկա հետազոտություն, որ հազարը կարող է օգնել քաշի կորստին: Կարող է նպաստել ուղեղի առողջությանը Ուղեղի վնասման ծայրահեղ դեպքերը կարող են հանգեցնել նեյրոնային բջիջների մահվան: Հազարը հարուստ է նաև սննդային նիտրատով: Այս միացությունը մարմնում վերածվում է ազոտի օքսիդի, որը բջջային ազդանշանային մոլեկուլ է, նպաստում է էնդոթելի գործառույթին: Էնդոթելիալ ֆունկցիայի նվազումը նպաստում է ճանաչողական անկմանը և ծերացման հետ կապված այլ նյարդաբանական խանգարումների, իսկ հազարի ընդունումը կարող է դանդաղեցնել դա: Կարող է խթանել սրտի առողջությունը Հազարը նաև վիտամին C- ի հարուստ աղբյուր է, այն նվազեցնում է զարկերակների խստությունը և օգնում սրտանոթային հիվանդությունների բուժմանը: Այն կարող է ուժեղացնել զարկերակները և նույնիսկ կանխել սրտի կաթվածները: Ձեր սննդակարգում օրական երկու բաժին հազար ներառելը կարող է օգնել ձեր սրտի առողջացմանը: Հազարը նաև պարունակում է կալիում, որն իջեցնում է արյան ճնշումը և կանխում սրտի հիվանդությունները: Մեկ այլ ուսումնասիրության համաձայն, հազարի ընդունումը կապված է նաև խոլեստերինի նյութափոխանակության բարելավման հետ: Այն նաև բարձրացնում է մարմնի հակաօքսիդիչի կարգավիճակը: Հազարի կանոնավոր օգտագործումը կարող է պաշտպանել սրտանոթային հիվանդություններից։ Կարող է կրճատել շաքարախտի ռիսկը Ուսումնասիրությունները ցույց են տվել, որ կանաչիները, հատկապես` հազարը, կարող են նվազեցնել շաքարախտի առաջացման հավանականությունը: Բացի այդ, մեկ բաժակ հազարը պարունակում է ընդամենը մոտ 5 կալորիա, 2 գրամ ածխաջրեր և 10 գրամ նատրիում: Այն չի պարունակում խոլեստերին կամ որևէ ճարպ:Հազարը նաև պարունակում է հակադիաբետիկ կարոտենոիդ, որը իջեցնում է արյան մեջ գլյուկոզի մակարդակը: Կարող է նպաստել տեսողության առողջությանը Հազարը պարունակում է հակաօքսիդիչ, որը խթանում է տեսողության առողջությունը: Հազարի նման մուգ կանաչիները պարունակում են ինչպես լուտեին, այնպես էլ զեաքսանտին: Սրանք օգնում են խթանել տեսողության առողջությունը։ Հազարը նույնպես լավ փոխարինում է սպանախին։ Կարող է նպաստել մարսողական առողջությանը Հազարի մանրաթելը խթանում է մարսողությունը և կանխում մարսողական այլ հիվանդությունները, ինչպիսիք են փորկապությունն ու փքվածությունը: Այն նաև կարող է թեթեւացնել ստամոքսի ցավը: Այնուամենայնիվ, այս մասին հետազոտությունները սահմանափակ են: Հայտնի է, որ հազարն օգնում է ստամոքսին մշակել տարբեր տեսակի սնունդ: Այն նաև կարող է օգնել բուժել մարսողության խանգարման նման այլ խնդիրներ: Կարող է օգնել բուժել անքնությունը Լակտուկարիումը ՝ հազարի մեջ պարունակող նյութ է, որը հանգստացնում է նյարդային համակարգը և նպաստում լավ քնին: Հազարը պարունակում է նաև լակտուցին, որն առաջացնում է քուն և հանգստություն: Այս բանջարեղենն օգտագործվում էր նույնիսկ միջնադարյան ժամանակներում `անքնությունից ազատվելու համար: Կարող է ամրացնել ոսկորները K, A և C վիտամինները կարևոր են կոլագենի արտադրության մեջ՝ ոսկրերի ձևավորման առաջին քայլը: Վիտամին K- ն օգնում է կառուցել կապի հյուսվածքները: Վիտամին A- ն՝ ոսկրային նոր բջիջների զարգացմանը, որի պակասը կարող է հանգեցնել օստեոպորոզի և կոտրվածքների ռիսկի բարձրացմանը: Վիտամին C- ն պայքարում է ոսկորների կորստի դեմ, ինչը ծերացման գործոններից մեկն է: K վիտամինի անբավարար քանակը կարող է հանգեցնել կոտրվածքների ռիսկի բարձրացմանը: Այս վիտամինի հավելումը նվազեցնում է ոսկրերի շրջանառությունը և ուժեղացնում ոսկրերի ամրությունը: Կարող է բարելավել մկանների ուժն ու նյութափոխանակությունը Հազարի մեջ պարունակվող կալիումը կարող է ուժեղացնել մկանների ուժը: Այնուամենայնիվ, դա հաստատող հետազոտություն չկա: Հազարը պարունակում է նիտրատներ, որոնք, ինչպես հայտնի է, խթանում են մարզվելու ունակությունը: Սրանք կարող են օգնել մկանների ուժին և նյութափոխանակությանը, չնայած որ ավելի շատ հետազոտություններ են անհրաժեշտ: Կարող է բարելավել մաշկի և մազերի առողջությունը Հազարի մեջ պարունակվող վիտամին A- ն կարող է նպաստել մաշկի բջիջների շրջանառությանը: Այն պարունակող վիտամին C- ն կարող է պաշտպանել մաշկը ուլտրամանուշակագույն ճառագայթումից: Հազարի մանրաթելը կարող է վնասազերծել ձեր համակարգը և նպաստել մաշկի առողջությանը: Առավոտյան ձեր դեմքը հազարի քաղվածքով կամ հյութով լվացնելիս կարող է բարելավել ձեր մաշկի առողջությունը: Անեկդոտային վկայությունները վկայում են այն մասին, որ հազարի մեջ պարունակվող վիտամին K- ն կարող է նաև խթանել մազերի ուժը: Կարող է պայքարել սակավարյունության դեմ Հազարը պարունակում է համեստ քանակությամբ ֆոլաթթու: Ֆոլաթթվի պակասությունը կարող է նաև հանգեցնել սակավարյունության որոշ ձևերի: Ֆոլաթթուն օգնում է նաև պայքարել մեգալոբլաստային սակավարյունության դեմ, որը սակավարյունության մեկ այլ տեսակ է, որտեղ արյան բջիջները շատ մեծ են և թերզարգացած։
In
other , shrjaka-mijavayr
Կայացել է REC Caucasus ծրագրի մեկնարկային հանդիպում-ասուլիսը
Posted on 8 Ապրիլի, 2021
Կայացավ REC Caucasus` Եվրամիության կողմից ֆինանսավորվող «Շրջակա միջավայրի պահպանման վերաբերյալ համատեղ մոնիթորինգային ծրագիր` Սևծովյան ավազանի երկրների համար» ծրագրի մեկնարկային հանդիպում-ասուլիսը, որտեղ բացման խոսքով հանդես եկավ ՇՄՆ նախարարի տեղակալ Աննա Մազմանյանը, ինչպես նաև «ՀՄԿ» ՊՈԱԿ-ի տնօրենի ժամանակավոր պաշտոնակատար Լևոն Ազիզյանը: Ծրագրի ընդհանուր նպատակն է բարձրացնել շրջակա միջավայրի մոնիթորինգի միջսահմանային համատեղելի տվյալների և տեղեկատվության մատչելիության մակարդակը՝ Սևծովյան Ավազանի ազգային պարկերում և հատուկ պահպանվող տարածքներում: Ծրագիրն ընդգրկում է Հայաստանի «Դիլիջան» ազգային պարկը, Բուլղարիայի «Ստրանջա» ազգային պարկը, Ռումինիայի Դանուբ Դելտայի «Բիո ռեզերվ» համալիրը և Վրաստանի «Կոլխեթի» պահպանվող տարածքը։
In
other , eco-aprelakerp , eco-mshakuyt
Հայ կինը պետք է միշտ մեծարվի․ Անվանի տղամարդիկ շնորհավորում են կանանց տոնը. (ՏԵՍԱՆՅՈւԹ)
Posted on 7 Ապրիլի, 2021
Ճիշտ է, հայ տղամարդիկ դատարկ գրպաններով են դիմավորում ապրիլ ամիսը, քանի որ ավարտվում է կանանց միամսյակը, բայց կարելի է հասկանալ նրանց ու ասել, այո՛, այն հայ տղամարդկանց սիրելի ամիսն է։ Այնուամենայնիվ, սիրելի՛ տղամարդիկ, հիշե՛ք, որ այս միամսյակով չի ավարտվում ամեն ինչ, հայուհիները ձեր իսկ ուշադրության, սիրո ու պաշտպանության կարիքն ունեն ողջ տարի։ Չէ՞ որ առանց նրանց չեք կարող ապրել նույնիսկ մեկ օր, մեկ ժամ, որովհետև բացի ձեր գեները շարունակելուց, կնոջ կողքին ձեզ ուժեղ զգալուց ու կյանքի ընկերը լինելուց, կանանց հիշում եք նաև քաղցած ժամանակ։ Դե ինչ, հարգարժան տիարք, մի՛ վրդովվեք ու մի՛ փորձեք հակառակն ապացուցել և համոզել, քանի որ հատկապես հայ կանանց նման, համեղ ուտելիքներ ոչ մի ազգի կնոջ մոտ չի ստացվում։ Չմոռանաք, որ կինը սիրում է ականջներով, իսկ տղամարդիկ՝ ստամոքսով։ Եվ, սա բոլորովին էլ պայմանավորված չէ ամսվա հենց առաջին օրվա՝ ապրիլմեկյան սուտ ասելու տոնի հետ, քանի որ մենք կարևորում ենք ամսվա գերագույն տոնը՝ Մայրության և գեղեցկության օրը, որն, ըստ քրիստոնեական տոնացույցի, համարվում է ավետման օր, այսինքն՝ Մարիամ Աստվածածինն այդ օրն է իմացել, որ լույս աշխարհ պիտի բերի Աստծո որդուն։ Ապրիլի 7-ին Հայ Առաքելական բոլոր եկեղեցիներում Ս. Պատարագ է մատուցվում, որպես մայրերի և մայրության բերկրանքին սպասող կանանց օրհնության օր։ Կանանց տոնի առթիվ, Eco.am-ը հավաքագրել է անվանի տղամարդկանց շնորհավորանքները՝ ուղղված հայ կանանց ու մայրերին։ ՀՀ վաստակավոր արտիստ Արտաշես Ալեքսանյանի համար միամսյակ ասվածն անընդունելի է, քանի որ հայ կինը պետք է միշտ մեծարվի․ «Նախ, ցավոք սրտի, մեր ազգին հասցրել են այն աստիճանի, որ ամեն ինչ անում ենք ահավոր կիսատ, դա կլինի Հայրենիք, Ազգ, բանակ, երեխա, կին։ Ինձ համար անհասկանալի է միամսյակ հասկացությունը։ ՀԱՅ ԿԻՆԸ պետք է միշտ մեծարվի և լինի ուշադրության կենտրոնում։ Ձևականորեն, կենացներով խմում ենք գեղեցկության կենացը, բայց, իրականում՝ անտեսում։ Իսկ իշխանափոխության շնորհիվ ունեցանք նաև հայհոյող կանայք, ինչը շատ ցավալի և ոչ սազական է մեր Ազգին։ Այնուամենայնիվ, ՀԱՅ կնոջը մաղթում եմ դարեդար կանացի երջանկություն, սեր, առողջություն և երբեք չտխրեն ու չարցունքոտվեն նրանց գեղեցիկ՝ հայուհու աչքերը։ Հավերժ փառք՝ բոլոր զոհված կանանց»։ Մայրության և գեղեցկության տոնին իրենց սրտի խոսքն ու շնորհավորանքն են հղել նաև ՀՀ վաստակավոր արտիստ Տիգրան Ներսիսյանը, հեռուստահաղորդավար, դերասան Սուրեն Առուստամյանը, Երևանի մշակույթի և արվեստի պետական քոլեջի տնօրեն, երգիչ Վրեժ Կիրակոսյանը, մանկական ուռուցքաբան, Հայաստանի մանկական քաղցկեղի և արյան հիվանդությունների կենտրոնի ղեկավար Գևորգ Թամամյանը, Ա․ Սպենդիարյանի անվան օպերայի և բալետի ազգային ակադեմիական թատրոնի մեներգիչ, բաս Հայկ Տիգրանյանը, «Եռամիասնություն հանուն զարգացման» հ/կ նախագահ, հասարակական գործիչ Մամիկոն Խուրշուդյանը և Կ․ Ստանիսլավսկու անվան ռուսական դրամատիկական թատրոնի դերասան, երգիչ, Մանվել Խաչատրյանը։ Շնորհավորանները դիտե՛ք տեսանյութում․
In
other , eco-aprelakerp , eco-mshakuyt
Ֆրանսիական թատերախումը կներկայացնի հայկական էպոսը.Սաթէ Խաչատրյան և Էդգար Մանուկյան
Posted on 7 Ապրիլի, 2021
Ապրիլի 13-19-ը Ֆրանկոֆոնիայի շաբաթվա շրջանակներում կմասնակցի նաև Ֆրանսիական «Սաթէ-Աթղը» թատերական միությունը: Հիմնադիրները հայ ամուսիններ են` Սաթէ Խաչատրյանը և Էդգար Մանուկյանը: Այս անգամ «Սաթէ-Աթղը» բազմազգ թատերախումբը կներկայացնի մեր «Սասնա ծռեր» էպոսը` երաժշտական մեկնաբանությամբ: Ներկայացման բեմադրիչը Սաթէ Խաչատրյանն է: Նա Ֆրանսիայում ուսանել է դրամատիկ արվեստների բարձրագույն ազգային կոնսերվատորիայում` որպես դերասան, ապա Սորբոնի համալսարանում պաշտպանել թեզը, որը վերաբերում էր ժամանակակից դրամատուրգիային: Ներկայացնում ենք Ֆրանսիայի թատերական աշխարհում իր ուրույն տեղը գտած մեր հայրենակից Սաթէ Խաչատրյանի հետ զրույցը:
- Ինչպես է հաջողվել հայ դերասանուհուն Ֆրանսիայի հարուստ մշակութային կյանքում գտնել իր տեղը, ավելին` հաջողություններ գրանցել հայկական թեմաներով բեմադրությունների շնորհիվ:
- Ես Ֆրանսիայում մշտապես եղել եմ ֆրանսիական թատերական միջավայրում: Այս երկրի թատերական բազմազանության մեջ առանձնանալու համար էր, որ որոշեցինք նախապատվությունը տալ հայկական էպոսին: Դրանից առաջ Հովհաննես Թումանյանի հետքիաթների հիման վրա բեմադրված «Լինում է, չի լինում. ճանապարհորդություն դեպի Հայաստան» ներկայացումն էր: Այն ստեղծվել է 2013-ին, մինչև հիմա խաղում ենք: Հայկական մշակույթը նախկինում Ֆրանսիայում ներկայացվել է համայնքի սահմաններում, քանի որ մշակույթի պահպանման խնդիր կա: Մենք որոշեցինք ընդլայնել սահմանները և մեր բազմազգ ու պրոֆեսիոնալ թատերախմբով հայկական մշակույթը տարածել օտարերկրացիների մեջ:
- Դուք Հայաստանում ֆրանկոֆոնիայի շաբաթվա ընթացքում ներկայանալու եք «Սասնա ծռեր» էպոսի երաժշտական մեկնաբանությամբ, որտեղ հայկական ժողովրդական երգ-երաժշտությունը միաձուլված է աֆրիկյան երաժշտական մշակույթի հետ: Ո՞րն է նման մեկնաբանության նպատակը:
- Ուզում եմ, որ համաշխարհային մշակույթում հայկական էպոսը գտնի իր կարևոր տեղը: Դրան ուղղված առաջին քայլը «Սասնա ծռերի» համար դեպի ֆրանսիական միջավայր ճանապարհ հարթելն է: Նպատակը՝ մեր էպոսի համամարդկային լինելը ցույց տալն է: Էական չէ, թե ով է այն պատմում` հայը, աֆրիկացին, թե ֆրանսիացին: Բեմում 6 պատմող դերասան-երաժիշտներ ենք. երկուսս ենք հայ` ես և Լիլիթը, կոնգոցի դերասան Ռոբբա Բիասի Բիասին մարմնավորում է Մեծ Մհերին և Սասունցի Դավթին: Ռայմոնդ Պալսին Մարտինիկից է, Յաննիկ Լուին (Յաօ)` Գվադելուպից է, նա խաղում է Ձենով Օհան: Մսրա Մելիքի դերակատարը ֆրանսիացի է` Պիեռ-Ամբեր Պոտիեն, որը նաև մարմնավորում է կրտսեր Մելիքին` Դավիթի խորթ եղբորը: Ներկայացումն ավարտվում է Սասունցի Դավթի` Մսրա Մելիքի դեմ տարած հաղթանակով, ինչն ինձ համար շատ խորհրդանշական վերջաբան է:
- Հայկական էպոսը ինչո՞վ է հետաքրքրել օտարերկրացիներին, որոնք այդքան ջանք ու եռանդ են դրել բեմադրության կայացման գործում:
- «Կարծիքներ էին հնչում, որ անպայման պետք է էպոսն ամբողջությամբ կարդալ: Ներկայացման մեջ զբաղված աֆրիկացիները նշում էին, թե հայկական էպոսի շատ կերպարներ նման են իրենց հեքիաթների հերոսներին: Բոլորին տպավորել է հատկապես Դավթի կոչը. «Հետո չասեք, թե մենք քնած, Դավիթ գող-գող եկավ գնաց»: Ասում էին, որ սա իսկապես այն բացառիկ տեսակն է, որ կարող ենք գտնել ուրիշ ազգի էպոսի ու հեքիաթների մեջ: Նրանց կարծիքով` Դավթի կերպարն այն տեսակն է, ում կորցրել ենք ժամանակակից մարդու մեջ:
Ավելացնենք, որ «Սաթէ-Աթղը» թատերախմբի «Սասնա ծռեր» ներկայացումը ապրիլի 13-ին կլինի Սևանում, 14-ին՝ Գավառի Լ. Քալանթարի անվան պետական թատրոնում, 15-ին՝ Գյումրու Արհեստի դպրոցում, 17-ին՝ Գորիսի Վ. Վաղարշյանի անվան պետական թատրոնում եւ ապրիլի 19-ին Երեւանի Հ. Թումանյանի անվան պետական տիկնիկային թատրոնում:
Ապրիլի 20-ին Համազգային թատրոնում կկայանա Զելլերի պիեսների հայերեն թարգմանված ժողովածուի շնորհանդեսը, որի թարգմանիչն ինքն է` Սաթէ Խաչատրյանը: Հուլիս-օգոստոս ամիսներին էլ «Սաթէ-Աթղը» թատերական միությունը կներկայանա Քսավիե Դյուրանժեի «Մարդկային պատմություն» պիեսի բեմադրությամբ՝ Լոֆթում, բեմադրիչը և թարգմանիչը կրկին Սաթէ Խաչատրյանն է:
In
other , shrjaka-mijavayr
Մեկնարկեց «Շրջակա միջավայրի պահպանման վերաբերյալ համատեղ մոնիթորինգային ծրագիր՝ Սևծովյան ավազանի երկրների համար» ծրագիրը
Posted on 6 Ապրիլի, 2021
2021թ. ապրիլի 6-ին Երևանում կայացավ BSB-884 - «Շրջակա միջավայրի պահպանման վերաբերյալ համատեղ մոնիթորինգային ծրագիր՝ Սևծովյան ավազանի երկրների համար» ծրագրի վերաբերյալ առաջին հանդիպումը: Կովկասի տարածաշրջանային բնապահպանական կենտրոնի տնօրեն, ծրագրի ղեկավար Նունե Հարությունյանը ներկայացրեց ծրագրի հիմնական դրույթները, նպատակը, խնդիրներն ու ակնկալվող արդյունքները: Ծրագիրը կտևի երկու տարի և ընդգրկում է չորս երկիր՝ Բուլղարիա, Ռումինիա, Հայաստան և Վրաստան, որի իրականացման համար Եվրամիության կողմից տրամադրվել է մեկ միլիոն եվրո գումար: Ծրագիրն ընդգրկում է Բուլղարիայի «Ստրանջա» ազգային պարկը, Ռումինայի Դանուբ Դելտայի կենսոլորտային համալիրը, Հայաստանի «Դիլիջան» ազգային պարկը և Վրաստանի պահպանվող տարածքների մի մասը։ Ծրագրի հիմնական նպատակն է լուծել Սևծովյան ավազանի, ազգային պարկերի և հատուկ պահպանվող տարածքների ընդհանուր խնդիրները։ Ծրագրի ընդհանուր նպատակն է բարձրացնել շրջակա միջավայրի մոնիթորինգի միջսահմանային համատեղելի տվյալների և տեղեկատվության մատչելիության մակարդակը Սևծովյան Ավազանի ազգային պարկերում և հատուկ պահպանվող տարածքներում: Ծրագրի հեղինակներն ակնկալում են շրջակա միջավայրի վերաբերյալ տվյալների հավաքման, մշակման ու վերլուծության խելացի հարթակի ստեղծում, որը կիրականացվի ամպային վեբ ծառայության միջոցով, ինչն անհրաժեշտ է անլար սենսորային ցանցերից տվյալների հավաքագրման, նաև ավտոմատ տեսակապի բովանդակության ապահովման համար: Ի պատասխան «ԷկոԼուր»-ի այն հարցին, թե տվյալների բազան որքանով հասանելի կլինի քաղաքացիական հասարակության համար, Նունե Հարությունյանը նշեց, որ ամփոփիչ տեղեկատվությունը կտեղադրվի համակարգող բուլղարական «ԱԿՏՈՐՊՈՒՍ» կազմակերպության, Կովկասի տարածաշրջանային բնապահպանական կենտրոնի Հայաստանյան գրասենյակի պաշտոնական կայքերում և «Ֆեյսբուք» սոցիալական ցանցի հատուկ էջում: Մոնիթորինգի իրականացման համար «ԷկոԼուրը» նաև առաջարկեց օգտվել «Դիլիջան» ազգային պարկում կառուցված ՓՀԷԿ-երի վերաբերյալ մոնիթորինգային տվյալներից, որոնք հավաքագրվել են «ԷկոԼուրի» կողմից իրականացված «Աջակցություն նոր բարեփոխումներին փոքր ՀԷԿ-երի բնագավառում ՔՀԿ-կառավարություն երկխոսության միջոցով» և «Աջակցություն փոքր ՀԷԿ-երին վերաբերող բարեփոխումներին` գետային էկոհամակարգերի կայուն օգտագործման նպատակով հանրության և ՀՀ բնապահպանության նախարարության երկխոսության միջոցով» ծրագրերի շրջանակներում:
In
other , eco-aprelakerp , eco-snund
Ածխաջրերի, սպիտակուցների եւ ճարպերի պարունակությունը մթերքում. սանդղակ
Posted on 6 Ապրիլի, 2021
Առողջ սննդակարգի նախապայմաններից է անհրաժեշտ բոլոր բաղադրիչների ապահովումն ու դրանց բալանսավորումը: Գաղտնիք չէ, որ ածխաջրերը, սպիտակուցները եւ անգամ ճարպերն անհրաժեշտ են մեր օրգանիզիմի առողջ կենսագործունեության համար: Սակայն կարեւոր է դրանց ճիշտ չափավորումը, որն ամեն մեկի համար կարող է տարբեր լինել՝ կախված մարմնի քաշից եւ օրգանիզմի առանձնահատկություններից:Ստորեւ ներկայացնում ենք, թե որ մթերքը որքան ածխաջուր, սպիտակուց եւ ճարպեր է պարունակում:
Առողջ սննդակարգի նախապայմաններից է անհրաժեշտ բոլոր բաղադրիչների ապահովումն ու դրանց բալանսավորումը: Գաղտնիք չէ, որ ածխաջրերը, սպիտակուցները եւ անգամ ճարպերն անհրաժեշտ են մեր օրգանիզիմի առողջ կենսագործունեության համար: Սակայն կարեւոր է դրանց ճիշտ չափավորումը, որն ամեն մեկի համար կարող է տարբեր լինել՝ կախված մարմնի քաշից եւ օրգանիզմի առանձնահատկություններից:Ստորեւ ներկայացնում ենք, թե որ մթերքը որքան ածխաջուր, սպիտակուց եւ ճարպեր է պարունակում:
In
other , shrjaka-mijavayr
Ուսումնասիրություն Ազատի ջրամբարի տարածքում
Posted on 6 Ապրիլի, 2021
Շրջակա միջավայրի նախարարության մասնագիտական ստորաբաժանումներն ուսումնասիրել են ֆեյսբուքյան օգտատիրոջ կողմից բարձրաձայնված՝ «Ազատի ջրամբար, ամբողջովին թոռերի մեջ» վերտառությամբ բնապահպանական իրավախախտման վերաբերյալ նյութը Շրջակա միջավայրի նախարարի տեղակալի հանձնարարականով համապատասխան գրություն է ուղարկվել ՀՀ Բնապահպանության և ընդերքի տեսչական մարմին՝ դեպքը մանրամասն ուսումնասիրելու, հանգամանքները պարզելու և համապատասխան միջոցներ ձեռնարկելու համար։ Շնորհակալություն ենք հայտնում բոլոր այն քաղաքացիներին, որոնք սրտացավ վերաբերմունք են ցուցաբերում բնության հանդեպ և նմանօրինակ խնդիրներ արձանագրելիս, օպերատիվ արձագանքում են։ ՀՀ յուրաքանչյուր քաղաքացու ներգրավվումը բնության պահպանության շնորհակալ ու վեհ գործին առանձնահատուկ կարևոր է։
In
other , eco-aprelakerp , shrjaka-mijavayr , eco-mshakuyt
Մեկնարկում է «ԼԻՆԵ՛ՆՔ ԻՐԱԶԵԿ, ՊԱՀՊԱՆԵ՛ՆՔ ՕԶՈՆԱՅԻՆ ՇԵՐՏԸ» կրթական միջոցառումների նոր շարքը
Posted on 6 Ապրիլի, 2021
Շրջակա միջավայրի նախարարության Օզոնի ծրագիրը ՄԱԿ-ի արդյունաբերական զարգացման ծրագրի և «Շրջակա միջավայր և առողջություն» ՀԿ-ի հետ համատեղ մեկնարկում է «ԼԻՆԵ՛ՆՔ ԻՐԱԶԵԿ, ՊԱՀՊԱՆԵ՛ՆՔ ՕԶՈՆԱՅԻՆ ՇԵՐՏԸ» կրթական միջոցառումների շարքը, որը հնարավորություն կընձեռնի մարզերի և Երևանի դպրոցների աշակերտներին մանրամասն ծանոթանալու օզոնային շերտի քայքայման բնապահապանական խնդրին և իրենց անմիջական դերակատարությունն ունենալ օզոնային շերտի վերականգնման գործում։ Միջոցառումների նպատակն է մարզերի և Երևանի դպրոցների 7-11-րդ դասարանների աշակերտների շրջանում բարձրացնել օզոնային շերտի քայքայման վերաբերյալ իմացության մակարդակը, զինել տեղեկատվությամբ ու հմտություններով և խրախուսել երիտասարդների ներգրավվածությունն այս գլոբալ բնապահպանական մարտահրավերի լուծման հարցում: Կրթական միջոցառումների շարքը տեղի կունենա երկու փուլով՝ հեռավար դասընթացների իրականացում՝ նվիրված օզոնային շերտի քայքայմանն ու պահպանմանը (ապրիլ-մայիս, 2021թ.), «Կյանքն առանց օզոնային շերտի» տեսաֆիլմերի մրցույթի իրականացում և ամառային ճամբարի կազմակերպում (հունիս-հուլիս, 2021թ.)։ Դասընթացները կիրականացվեն հեռավար տարբերակով՝ զում վեբինարների կազմակերպմամբ, իսկ մրցույթի կիսաեզրափակիչ փուլ անցած աշակերտների և իրենց մանկավարժների համար կկազմակերպվի ամառային ճամբար։ Մասնակցության համար անհրաժեշտ է լրացնել կցված հայտադիմումը և մինչ ապրիլի 15-ը ուղարկել հետևյալ էլեկտրոնային հասցեով՝ armozon@gmail.com։ Հարցերի դեպքում կարող եք զանգահարել 011 818 532 հեռախոսահամարով: Հայտադիմում՝ https://cutt.ly/ucUSyO0
In
other , eco-kosmetika
Գունավոր կավ
Posted on 5 Ապրիլի, 2021
Կանաչ կավն ունի հակամանրէային հատկություններ և խորությամբ մաքրում է ծակոտիները:
Կապույտ կավը հարուստ է հանքային աղերով և միկրոմասնիկներով։ Այն պարունակում է սիլիցիումի օքսիդ, ազոտ, ֆոսֆատ և այլն։
Սպիտակ կավը հարուստ է սիլիկահողով, ցինկով և մագնեզիումով։ Տարբեր դարաշրջանների և ժողովուրդների գեղեցկուհիները հենց այս կավն են նախընտրել դիմակների մեջ ավելացնելու համր:
Կարմիր և վարդագույն կավը բարելավում է արյան շրջանառությունը, թեթևացնում է ալերգիկ դրսևորումները: Այն հատկապես նպատակահարմար է կարմրելու հակում ունեցող զգայուն մաշկի համար։
Դեղին կավը հարուստ է երկաթով և կալիումով: Գերազանց բարձրացնում է մաշկի տոնուսը, փափկեցնում է այն; Իսկ մաշկի բջիջները հարստացնում է թթվածնով։ Մոխրագույն կավը խոնավեցնող և տոնուսը բարձրացնող հատկություններ ունի։
Սև կավը մաքրում է մաշկը, չորացնող ազդեցություն ունի, նեղացնում է ծակոտիները, հեռացնում է դեմքի յուղոտ փայլը: Այս կավով դիմակները կատարյալ են թարախային կորյակների հակում ունեցող յուղոտ մաշկի համար:
Որ գույնի կավն էլ ընտրեք, այն հարմար է բոլոր տիպի մաշկի համար: Հնարավոր սահմանափակումները միայն չոր և խնդիր ունեցող մաշկն է։
Հիշե՛ք․ յուրաքանչյուր անձի անհատականության մասին: Օրինակ, եթե ձեր մաշկը յուղոտ է, ապա ձեզ դուր կգա ոչ միայն կանաչ կամ սև կավը, այլ նաև և՛ կապույտը, և՛ սպիտակը, և՛ վարդագույնը:
Գունավոր կավի յուրաքանչյուր գույնի օգտակարության և դրանցով պատրաստվող մի քանի հեշտ կոսմետիկ դիմակների բաղադրատոմսերի մասին, որոնք կարող եք ինքներդ էլ պատրաստել՝ տնային պայմաններում, կներկայացնենք առաջիկայում։
