Blog
In
eco-dexatun
Մաշկային ի՞նչ հիվանդություններ են առաջանում COVID-19-ից հետո․ մանրամասնում է մաշկաբան-վեներոլոգը
Posted on 3 Մայիսի, 2022
Կորոնավիրուսային համավարակը մտավ մեր կյանք ու ժամանակի ընթացքում, իր գոյությանն ընտելացնելով, ի հայտ բերեց մի շարք առողջական խնդիրներ։
«COVID-19 -ի ժամանակ, բացի շնչառական ուղիների ախտահարումից, կարող է լինել նաև մաշկի ախտահարումներ»,- Eco.am սոցիալական հարթակի հետ զրույցում ասաց մաշկաբան-վեներոլոգ Սևակ Մկրտչյանը։
Ըստ մաշկաբանի, հաճախ COVID-19-ը կարող է սկսվել հենց մաշկի ախտահարումով․ «Երբեմն մաշկային ախտահարումները կարող են լինել հիվանդության միակ ախտանշանը: Մաշկային ախտահարման սիմպտոմները բազմազան են, հանդիպման հաճախությունը կախված է հիվանդի տարիքից, ուղեկցող հիվանդություններից, դեղորայքային բուժման առանձնահատկությունից»,- թվարկում է մասնագետն ու հավելում․ «Մաշկի ախտահարումը կարող է լինել մարմնի տարբեր տեղամասերում: Ցանավորման տեսքը բազմազան է՝ կարղ է լինել․
1․ բծային ցանավորում, որն արտահայտվում է մաշկի գույնի փոփոխությամբ (նման ցրտահարության),
2․ երբեմն կարող է ուղեկցվել ցավով կամ քորով,
3․ կարող է լինել մանր բշտիկային ցանավորում, տեղակայված իրանին կամ վերջույթներին,
4․ կարող է լինել եղնջացանի տեսքով (ինչպես լինում է եղնջայտուցի ժամանակ),
5․ առաջանում են բաց վարդագույն, մաշկից քիչ բարձր էլէմենտներ, որոնք հաճախ ուղեկցվում են քորով,
6․ Մաշկային ցանավորումը, COVID-19 –ի ժամանակ, հատուկ մոտեցում չի պահանջում, կատարվում է սիմպտոմատիկ բուժում»,- խորհուրդ է տալիս Ս․ Մկրտչյանը:
Մաշկաբանի դիտարկմամբ, COVID-19 -ի մաշկային առաջին նշաններն ի հայտ են գալիս վարակումից 4-5 օր անց․ «Սակայն, երբեմն, մաշկի ցանավորումը կարող է լինել COVID-19 -ի առաջին նշանը: Կախված արտահայտվածության աստիճանից և բնույթից ցանավորումը կարող է տևել մի քանի օրից մինչև մի քանի շաբաթ»,- տեղեկացնում է մաշկաբան-վեներոլոգ Սևակ Մկրտչյանը։
In
eco-energia , shrjaka-mijavayr
Արևային էներգիայի օգտագործման ոլորտում մեծանում է համայնքների ներգրավվածությունը
Posted on 27 Ապրիլի, 2022
«Մինչև 2040 թվականը Հայաստանի էներգետիկ զարգացման ռազմավարությունը խիստ կարևորում է արևային էներգետիկայի զարգացումը մեր երկրում»,- ԵՄ հանուն Հայաստանի կայուն էներգիայի EU4ASEP ծրագրի ներքո՝ «Համայնքային կայուն էներգիայի» համաժողովին ժամանակ ասաց ՀՀ տարածքային կառավարման և ենթակառուցվածքների նախարար Գնել Սանոսյանը։ Նախարարն ուրախությամբ արձանագրեց, որ արևային էներգիայի օգտագործման ոլորտում գնալով մեծանում է համայնքների ներգրավվածությունը։ «Եվրամիությունը հանուն Հայաստանի կայուն էներգիայի» ծրագրի ջանքերով արդեն իրականություն են դարձել երեք համայնքներում արևային կայանների հիմնումը, որոնք ներկայացնում են զուգահեռ ռեժիմով ցանցի հետ աշխատող կայաններ Ապարանում, ինչպես նաև լիցենզավորված ցանցային կայան Արթիկում։ «Ոլորտի սակագնային և կարգավորող դաշտը արևային էներգիայի զարգացման համար մի շարք հնարավորություններ է ստեղծել, որից մեծապես օգտվում են մասնավոր ընկերությունները։ 2021 թվականին հատուկ լիցենզիաների 15 ՄՎտ-ի պատուհանի գործարկումը հնարավորություն է ստեղծել համայնքների համար օգտվելու այս խթաններից՝ ի նպաստ համայնքների տնտեսական զարգացման, լրացուցիչ բյուջետային միջոցների ստացման, աշխատատեղերի ստեղծման և հետճգնաժամային իրավիճակի հաղթահարման համար»,- իր ելույթում շեշտեց նախարարը և հավելեց, որ տեղական արևային էներգիայի բաշխված արտադրությունը կնպաստի նաև Հայաստանի էներգետիկ անվտանգության ամրապնդմանը։ Համաժողովի ընթացքում, Հայաստանում էներգախնայող աջակցման հիմնադրամներն անդրադարձան համայնքային արևային կայանների կարգավորման դաշտի, ոլորտի զարգացման միտումների, ինչպես նաև ծրագրավորման, նախագծման, տեխնիկական, ստացված էներգիայի հետևանքով բնությանն ու շրջակա միջավայրին չվնասելու խնդիրների մասին։ Իսկ արդեն կառուցման ու էներգավաճառող ընկերություններն էլ տեսանյութերի ու ինֆորմատիվ ցուցադրության միջոցով ներկայացան իրենց փորձով ու ձեռքբերումներով։ անդրադարձան փորձի ն ու Համայնքային կայանների կառուցման և էներգավաճառող ընկերությունները գործող:
In
eco-dexatun
Մեղվի մայրակաթը՝ որպես կենսաքիմիական նոր դեղամիջոց
Posted on 26 Ապրիլի, 2022
«Մեղվի մայրակաթը լայն կիրառություն ունի հատկապես ժողովրդական բժշկության մեջ: Այն օգտագործում են որպես հակաբակտերիալ, հակասնկային, հակաբորբոքային, հակաօքսիդանտային միջոց, սակայն նրա՝ որպես ռադիոպաշտպանիչ միջոցի մասին տվյալները մասնագիտական գրականության մեջ խիստ սակավ են»,- մեզ հետ զրույցում ասաց ԵՊՀ կենսաքիմիայի, մանրէաբանության և կենսատեխնոլոգիայի ամբիոնի դոցենտ, ծրագրի ղեկավար, կ.գ.թ. Սեդա Մարությանը։
«Մեղվի մայրակաթը՝ որպես ռադիոպաշտպանիչ և հակաօքսիդանտային պայքարի կենսաքիմիական նոր դեղամիջոց» գիտական թեման ֆինանսավորման է երաշխավորել ՀՀ ԿԳՄՍՆ գիտության կոմիտեն, այն ներկայացրել է ԵՊՀ կենսաբանության ֆակուլտետի՝ կենսաքիմիայի, մանրէաբանության և կենսատեխնոլոգիայի ամբիոնը:
Գիտական թեման նվիրված է իոնացնող ճառագայթահարման բացասական հետևանքներից էուկարիոտ օրգանիզմներին պաշտպանելու նոր, կենսածին մոտեցում մշակելուն:
Ս. Մարությանի խոսքով՝ «Մեղվի մայրակաթն աչքի է ընկնում սննդարար նյութերի մեծ քանակությամբ, ինչն ինքնին կարևոր է ճառագայթահարումից թուլացած օրգանիզմների դիմադրողականությունը բարձրացնելու համար: Մյուս կողմից, մեղվի մայրակաթը պարունակում է բազմաթիվ հակաօքսիդանտային միացություններ, որոնք, ինչպես հայտնի է, կանխում են օքսիդային սթրեսի զարգացումն օրգանիզմի բջիջներում ճառագայթումից հետո և պաշտպանիչ դեր ունեն օրգանիզմի համար»։
Ծրագրի ղեկավարն ընդգծեց, որ գիտական խմբի կատարողները բավականին երիտասարդ են. ընդգրկված են գիտությունների 2 թեկնածու, 1 երիտասարդ գիտաշխատող և 2 մագիստրոս: Գիտական խմբում ընդգրկվածները ձեռնամուխ են եղել առաջին տարվա օրացուցային պլանի կատարմանը։ Ծրագրի ավարտին մեղվի մայրակաթի ռադիոպաշտպանիչ և հակաօքսիդանտային դերի մասին համոզիչ տվյալների ստացումը թույլ կտա առաջարկել մեղվի մայրակաթը՝ որպես հակաճառագայթային պայքարի նոր կենսածին, անվտանգ և հեռանկարային դեղամիջոց: Արդեն իսկ ստացվել են առաջին հետաքրքիր տվյալները, որոնք հետագա հետազոտությունների համար նոր հեռանկարներ են ստեղծում։
In
eco-tourism , shrjaka-mijavayr
«Լավագույն զբոսաշրջային գյուղ» մրցույթին կմասնակցի 3 գյուղ
Posted on 25 Ապրիլի, 2022
ՄԱԿ Զբոսաշրջության համաշխարհային կազմակերպության նախաձեռնությամբ մեկնարկում է ամենամյա մրցույթ՝ «Լավագույն զբոսաշրջային գյուղ» խորագրով։ ՀՀ Էկոնոմիկայի նախարարության զբոսաշրջության կոմիտեն, այս տարի ևս, նպատակ ունի ամենամյա մրցույթին առաջադրելու 3 գյուղ, որը կհամապատասխանի ներկայացված չափանիշներին։ Նախագծին գյուղն առաջադրելու համար, վերջինս պետք է առաջնահերթ բավարարի հետևյալ 3 պահանջները՝ 1․ Գյուղի բնակչությունը չպետք է գերազանցի 15.000-ը։ 2․ Գյուղը պետք է ճանաչված լինի տնտեսական գործունեության որևէ տեսակով (գյուղատնտեսություն, անտառտնտեսություն, անասնապահություն կամ ձկնորսություն) 3․Գյուղն առանձնանա իր համայնքահեն արժեքներով, յուրահատուկ զբոսաշրջային առաջարկներով և/կամ կենսակերպով։ Գնահատման ոլորտները 1․Մշակութային և բնական ռեսուրսների առկայություն 2. Մշակութային արժեքների պահպանություն և խթանում 3. Տնտեսական կայունություն Բնապահպանական կայունություն 5. Զբոսաշրջության զարգացում 6. Համայնքային կառավարման մակարդակում զբոսաշրջության որպես առաջնահերթության սահմանում 7. Ենթակառուցվածքներ և հասանելիություն 8. Առողջապահություն, ապահովություն և անվտանգություն «Լավագույն զբոսաշրջային գյուղ» նախագծի նպատակն է նպաստել զբոսաշրջության դերի մեծացմանը գյուղերի արժևորման և պահպանման հարցում՝ իրենց հարակից լանդշաֆտներով, գիտա և կրթահամակարգով, կենսաբազմազանությամբ, տեղական մշակութային արժեքներով և տնտեսական գործունեության տեսակներով, խոհանոցով։
In
shrjaka-mijavayr
«Ներդրումներ կատարենք մեր մոլորակում» կարգախոսով նշվեց Երկրի միջազգային օրը
Posted on 22 Ապրիլի, 2022
Յուրաքանչյուր տարվա ապրիլի 22-ին աշխարհը տոնում է Մայր Երկրի միջազգային օրը։ Այս տարի այն նշվեց «Ներդրումներ կատարենք մեր մոլորակում» կարգախոսով։ Երկրի օրը առաջին անգամ նշվել է որպես ժամանակակից բնապահպանական շարժման մեկնարկ, իսկ այժմ այն ճանաչվում է որպես մոլորակի ամենամեծ քաղաքացիական իրադարձություն: 1970 թվականին Երկրի օրը նշելը գործողությունների ալիք է առաջացրել ԱՄՆ-ում՝ բնապահպանական կարևոր օրենքների ընդունմամբ. Օրվան ի պատասխան ստեղծվել են մաքուր օդի, մաքուր ջրի և վտանգված տեսակների մասին օրենքներ։ Իսկ 2009 թվականին ապրիլի 22-ին, Բոլիվիայի նախաձեռնությամբ, Մայր Երկրի միջազգային օրը հռչակվել է ՄԱԿ-ի Գլխավոր ասամբլեայի 63-րդ նստաշրջանում: Բանաձևի համահեղինակներ են հանդես եկել ՄԱԿ-ի 50-ից ավելի անդամ-պետություններ: Տոնի նպատակն է մարդկանց ուշադրությունը սևեռել, շրջակա միջավայրի պահպանության և մեր մոլորակի խնդիրների վրա, ինչպիսիք են կլիմայի փոփոխությունը, ջրային ռեսուրսների կառավարումը, անտառաշերտերի վերականգնումը և պահպանվող տարածքների կառավարումը։ Տվյալ խնդիրներից անմասն չէ նաև Հայաստանը։ ՄԱԿ-ի տվյալներով՝ առաջիկա քսան տարում մոլորակի բնակչության 60 տոկոսն ապրելու է քաղաքներում: Քաղաքացիների թվաքանակի աճի և քաղաքների սահմանների ընդլայնման համեմատ մեծանում է շրջակա միջավայրի բեռնվածությունը տրանսպորտի, արդյունաբերության, ջրամատակարարման կողմից: Քաղաքներում ջրամատակարարման և կոյուղու համապատասխան համակարգերի բացակայությունը հանգեցնում են առողջության հետ կապված խնդիրների: Այսպես կոչված «կանաչ քաղաքներում» բոլոր այդ գործոնները հաշվի են առնվում վերականգնվող աղբյուրների միջոցով էներգիայի ապահովման, աճող բնակչության համար բավարար քանակությամբ մաքուր ջրի տրամադրման, արդյունավետ ենթակառուցվածքի և տրանսպորտային ցանցերի ստեղծման հաշվին:
In
shrjaka-mijavayr
Հայաստանում կնշվի անասնաբույժի և բույսերի առողջության պաշտպանության օրեր
Posted on 19 Ապրիլի, 2022
Այսուհետ, Հայաստանի Հանրապետության էկո օրացույցում կավելանա ևս երկու նշանակալի օր։ ՀՀ Կառավարության որոշման համաձայն յուրաքանչյուր տարվա ապրիլի վերջին ուրբաթ օրը կնշվի որպես անասնաբույժի օր, իսկ մայիսի 12-ը՝ կսահմանվի որպես բույսերի առողջության պաշտպանության օր: Ըստ գործադիրի, գործնականում գրեթե բոլոր երկրներում նշվում է անասնաբույժի և բույսերի առողջության պաշտպանության օրերը։ Զարգացած երկրներում անասնաբուժության և բույսերի առողջության պաշտպանության բնագավառները հանդիսանում են խիստ կարևոր և արժանանում են առանձնակի ուշադրության։ Որոշման համաձայն, եթե ապրիլի վերջին ուրբաթ օրը համընկնի Հայոց ցեղասպանության տարելիցի օրվա՝ Ապրիլի 24-ի հետ, ապա այդ դեպքում Հայաստանի Հանրապետությունում անասնաբույժի օրը կնշվի մեկ օր շուտ՝ վերջին հինգշաբթի օրը: Հայաստանի Հանրապետությունում անասնաբույժի և բույսերի առողջության պաշտպանության օր նշելու անհրաժեշտությունը պայմանավորված է բնակչության կյանքի և առողջության, կայուն անասնահամաճարակային և բուսասանիտարական իրավիճակի ապահովման տեսանկյունից բույսերի առողջության պաշտպանության և անասնաբուժության բնագավառների դերն ու նշանակությունը ևս մեկ անգամ ընդգծելու հանգամանքով։ Նախագծի ընդունումը նպատակաուղղված է անասնաբուժության և բույսերի առողջության պաշտպանության բնագավառների կարևորության ընդգծմանը, հանրության ուշադրության, ինչպես նաև իրազեկման բարձրացմանը։
In
eco-tourism , shrjaka-mijavayr
Մաքրվել է Ավանի Կաթողիկե եկեղեցին՝ Թանգարանների միջազգային օրվան ընդառաջ
Posted on 18 Ապրիլի, 2022
Ապրիլի 18-ը նշվում է որպես Հուշարձանների և տեսարժան վայրերի միջազգային օր: Օրվան ընդառաջ մաքրել է Երևան քաղաքի Ավան վարչական շրջանում գտնվող Կաթողիկե եկեղեցին: Այս մասին Eco.am սոցիալական հարթակը տեղեկացավ ՀՀ Կրթության, գիտության, մշակույթի և սպորտի նախարարությունից։ Յուրաքանչյուր տարվա ապրիլի 18-ին, ՀՀ ԿԳՄՍ նախարարությունն ու իր ենթակայությամբ համապատասխան ստորաբաժանումները պատմության և մշակույթի մի շարք հուշարձանների տարածքներում իրականացնում են տարբեր միջոցառումներ, որոնք միտված են հուշարձանների մասին իրազեկվածության բարձրացմանը, դրանց հանրահռչակմանը և պահպանությանը։ Այս տարի այս միջոցառման թիրախում էր շատերին քիչ հայտնի, բայց մեր պատմության համար կարևորագույն քաղաքական, հոգևոր և ճարտարապետական գոհարներից մեկը՝ Երևան քաղաքի Ավան վարչական տարածքում գտնվող Կաթողիկե եկեղեցին, որի պահպանմանը, հանրահռչակմանը միտված և մաքրման աշխատանքները նախաձեռնել էր «Պատմամշակութային ժառանգության գիտահետազոտական կենտրոն» ՊՈԱԿ-ը՝ ՀՀ ԿԳՄՍ նախարարության պատմության և մշակույթի հուշարձանների պահպանության աշխատակիցների աջակցությամբ և մասնակցությամբ։ Ավանի Կաթողիկե եկեղեցու մաքրման աշխատանքներին մասնակցել են Երևանի թիվ 39 դպրոցի աշակերտները և ուսուցիչները, նաև քաղաքացիներ ու տարբեր տարիքի երեխաներ։ Մինչ մաքրման աշխատանքների մեկնարկը ՊՄՀՊ վարչության պետի տեղակալ Լուսինե Իգիթյանն աշակերտներին ներկայացրել է Ավանի տաճարի պատմությունը, ճարտարապետությունը և բացառիկ հոգևոր ու քաղաքական դերն ու նշանակությունը վաղ միջնադարում: Հիշեցնենք, որ Ավանի Կաթողիկե եկեղեցին (հիշատակվում է նաև Ծիրանավոր կամ Սբ. Հովհաննես) թվագրվում է 6-րդ դարով։ Ըստ VII դ. պատմիչ Սեբեոսի՝ Ավանում 591 թ. կաթողիկոս Հովհան Բագարանցին կառուցել է կաթողիկոսարանը: 611 թ․ նա թաղվել է Կաթողիկեի հարավային կողմում: Կաթողիկոսարանի Կաթողիկե եկեղեցին արտաքուստ ուղղանկյուն է, ներսից` խաչաձև գմբեթավոր (գմբեթը չի պահպանվել), քառախորան, չորս անկյուններում շրջանաձև հատակագծով, գմբեթածածկ ավանդատներով, որոնք աղոթասրահի հետ հաղորդակցվում են շրջանի երեք քառորդ հատվածքի խորշերով: Կառուցվել է տեղական տուֆի սրբատաշ քարերով։ Կաթողիկեին հյուսիսային կողմին կից է կաթողիկոսի պալատը, որը եկեղեցու հետ հաղորդակցվում է հյուսիսային մուտքով: Եկեղեցին փլուզվել է 1679 թ․ երկրաշարժից։ 1968 թ. բարեկարգվել է տարածքը: 1978 թ. պեղվել է կաթողիկոսարանի պալատական շենքը, նորոգվել Կաթողիկեի հարավային ճակատը:
In
other , eco-aprelakerp
Մրգաչրերն օգտակար են, սակայն պետք է օգտագործել չափի մեջ
Posted on 17 Ապրիլի, 2022
Անժխտելի է, որ թարմ մրգերն առավել օգտակար են ու սննդարար, սակայն առանց հավելանյութերի պատրաստված մրգաչրերն էլ իրենց առավելություններն ունեն։ Սուրբ Հարության՝ Սուրբ Զատկի տոնական սեղաններին, առատ ուտեստներ դնելուց զատ, կարևորություն տվեք չրերին, քանի որ մրգաչրերով` հատկապես չամիչով փլավը, կարևոր նշանակություն ունի։ Բրնձով փլավի մեջ բրինձը մարդիկ են, իսկ չամիչը՝ Հիսուսի աշակերտներն են, որոնք պետք է տարածեն Հիսուսի խոսքը: Զատիկի չամիչով փլավի բրինձը խորհրդանշում է ժողովրդին, իսկ չամիչը` հոգևորականներին: Ինչևէ, Eco.am սոցիալական հարթակն առանձնացրել է մի քանի մրգաչրեր, որոնք առավել օգտակար են, եթե չեն պարունակում կոնսերվանտներ, ներկեր։ Դրանք պարզապես ջրազրկված մրգեր են, որոնց մեջ պահպանված է վիտամինների մեծ մասը։ Սակայն, լինելով խտացված մթերք, պետք է օգտագործել չափի մեջ։ Ծիրանաչիր Հայկական լեռնաշխարհը հարուստ է ծիրանով, իսկ ծիրանաչիրն էլ իր հերթին հարուստ է կալիումով և օգտակար է սրտանոթային հիվանդույթունների դեպքում։ Այն պարունակում է երեք անգամ ավելի շատ կալիում և շատ ավելի քիչ աղ, քան բանանը։ Ամրացնում է մկանային հյուսվածքները։ Սև սալորաչիր Հեռացնում է խոլեստերինը, հարուստ է K և P վիտամիններով, որոնցից առաջինը նպաստում է արյան բաղադրության բարելավմանը, խցանումների վերացմանը իսկ երկրորդը՝ անոթների պատերի ամրացմանը։ 100գ․ սալորաչրի մեջ պարունակվում է 46կկ։ Սալորի այս տեսակը 80% հեղուկ է պարունակում և 11% ածխաջուր։ Այն իր մեջ պարունակում է A.B1.B2.B3.B9.C.E վիտամինները։ Այն հրաշալի միջոց է մարդու օրգանիզմում շաքարի քանակը նորմայում պահպանելու համար։ Շաքարային դիաբետ ունեցող մարդկանց խորհուրդ է տրվում օրվա ընթացքում ուտել 3-4 հատ սալորաչիր։ Թզի չիր Խթանում է մարսողությունը, օգտակար է մրսածության դեպքում, վերականգնում է ուժերը։ Տանձի չիր Այս մրգաչրի տեսակը մաքրում է օրգանիզմը թունավոր նյութերից և կարգավորում է նյութափոխանակությունը։ Խուրմա Շատ օգտակար է հղիների և կերակրող մայրերի համար, քանի որ պարունակում է մեծ քանակությամբ օքսիտոցին, որը հեշտացնում է ծննդաբերությունը և խթանում կաթնարտադրությանը։ Թթու լավաշ մաքրում է օրգանիզմը շլակներից և տոքսիններից: 1․ Նվազեցնում է խոլեստերինի մակարդակը արյան մեջ: 2․Բարձրացնում է տրամադրությունը: 3․ Հագեցնում է քաղցը երկար ժամանակով: Քաղցր ընկույզով սուջուխ Մյուս բոլոր չրերից այն առանձնանում է իր համով և օգտակար հատկանիշներով։ Երկու կարևոր բաղադրիչներն էլ ունեն իրենց օգտակար հատկությունները, որոնք միասին դառնում են ավելի նպաստավոր։ Սուջուխի միջուկ հանդիսացող ընկույզը կամ երբեմն էլ պնդուկը՝ նպաստում են ուղեղի լավ աշխատանքին: Իսկ միջուկին պատող օշարակը՝ որը պատրաստվում է ծիրանի կամ նռան չրից, մաշկը դարձնում է առողջ: Նուռը հարուստ է օրգանիզմի աշխատանքը կարգավորող C, B, P վիտամիններով: Չրերի բուժական հատկությունները Չոր հազի և մրսածության դեպքում 4-5 թզի չրին ավելացնել 1 բաժակ տաք թեյ։ Հովանալուց հետո չրերը հանել, տրորել կաթով, խառնել և ստացված զանգվածից օրական երկու անգամ 0․5 բաժակ խմել տաք վիճակում։ Գործողությունը շարունակել մինչև լրիվ ապաքինվելը։ Քրոնիկ փորկապության դեպքում 400գ․ սև սալորաչիրը՝ առանց կորիզների, անցկացնել մսաղացով։ Ավելացնել 200գ․մեղր, խառնել։ Օգտագործել 1 թեյի գդալ՝ ընթրիքից առաջ և վրայից տաք ջուր խմել։ Անքնության դեպքում 100 գ․ խուրմայի չրի վրա լցնել տաք ջուր և թողնել 3-4 ժամ, հետո կորիզները հեռացնել, պտղամիսը տրորել և լցնել թերմոսի մեջ, 1 լիտր եռացրած ջուր ավելացնել, թողնել 1 ժամ։ Այս թեյը պետք է խմել քնելուց առաջ։
In
other , shrjaka-mijavayr
Թափոնների տեսակավորման մշակույթը մտնում է Երևանի բուսաբանական այգի
Posted on 17 Ապրիլի, 2022
Երևանի Բուսաբանական այգին ևս միացավ թափոնների տեսակավորման մշակույթին։ ԳԱԱ Ա․ Թախտաջյանի անվան բուսաբանության ինստիտուտի տնօրինության նախաձեռնությամբ «Կանաչապատում և շրջակա միջավայրի պահպանություն» ՀՈԱԿ-ի Թափոնների տեսակավորման վարչությունը, այգու տարածքում օրերս տեղադրեց թափոնամաններ։ Երևանի բուսաբանական այգու այցելուներն արդեն կարող են տեսակավորել թափոնները՝ մաքուր պահելով այգու տարածքը։ Հավաքված թափոնները ուղարկվելու են վերամշակող գործարաններ՝ երկրորդային հումք ստանալ համար։ Որպես իրազեկում՝ Կապույտ թափոնամանը նախատեսված է պլաստիկի համար, որտեղ կարելի է նետել նաև պոլիէլթիլենային տոպրակներ։ Մոխրագույն թափոնամանը նախատեսված է ապակու համար։ Դեղին թափոնամանը նախատեսված է թղթի համար, այստեղ կարելի է նետել այն ամենը՝ ինչ թղթից է։
In
other , eco-dexatun
Բնության զարթոնքի հետ առնչվող զատկական առանձնահատկությունները
Posted on 17 Ապրիլի, 2022
