Blog

In

other , eco-snund , eco-dexatun

Էկո հանրագիտարան. Մասուր

Posted on 10 Հունվարի, 2021

Մեծ քանակով վիտամիններ, հանքանյութեր… սրանք մասուրն անփոխարինելի են դարձնում: Headinsider.net-ի հաղորդմամբ՝ մասուրն օգտագործվում է մի խումբ առողջական խնդիրների դեմ պայքարում: Այն մի քանի անգամ ավելի շատ վիտամին C է պարունակում, քան կիտրոնը: Ինչ նյութերով է հարուստ մասուրը A վիտամին: Բարձրացնում է վնասակար միկրոօրգանիզմների դեմ պայքարելու օրգանիզմի կարողությունը, հակաբորբոքային ազդեցություն է ունենում: B1, B2 վիտամիններ: Դրական ազդեցություն են ունենում արյունատար համակարգի վրա: B6 վիտամինը կարգավորում է նյարդային համակարգի աշխատանքը, նյութափոխանակության գործընթացը: C վիտամինը նվազեցնում է արյան մեջ խոլեստերինի մակարդակը, օրգանիզմից դուրս բերում տոքսինները, հակաբակտերիալ ազդեցություն ունենում: E վիտամինը հակաօքսիդանտ է, որն ամրացնում է անոթների պատերն ու իմունային համակարգը: K վիտամինը կարգավորում է արյան մակարդելիությունը, անոթային համակարգի աշխատանքը, բարենպաստ ազդեցություն ունենում աղեստամոքսային տրակտի աշխատանքի վրա: P վիտամինն ամրացնում է անոթները, նպաստում C վիտամինի յուրացմանը: Մասուրը հարուստ է այլ սննդարար նյութերով ևս՝ օրգանական թթուներ, պեկտին, հանքանյութեր՝ մագնիում, կալցիում, ֆոսֆոր: Երբ է հարկավոր մասուր օգտագործել Մասուրն օգնում է պայքարել շնչուղիների հիվանդությունների, բորբոքման, այլ հիվանդությունների դեմ: Դրա բաղադրիչները դրական ազդեցություն են ունենում նյութափոխանակության, միզասեռական, արյունատար համակարգերի աշխատանքի վրա: Մասուրն օգնում է արագացնել վերքերի, խոցերի ապաքինումը, պայքարել գաստրիտի դեմ: Մասուրի արմատն օգտագործվում է նաև ոտքերի սնկային վարակի դեմ պայքարում:

other , shrjaka-mijavayr

Վայրի բնության և մշակութային արժեքների պահպանման հիմնադրամը (FPWC) անակնկալ մատուցեց արջերին

Posted on 7 Հունվարի, 2021

Թերևս տարին բարդ էր բոլորի համար, բայց Վայրի կենդանիների փրկարար կենտրոնում (WRC) այսպիսի ամանորյա տրամադրություն էին ստեղծել վայրի բնության և մշակութային արժեքների պահպանման հիմնադրամի (FPWC) խնամքի տակ գտնվող արջերի համար :

Արջերի խնամակալները մշտապես հոգ են տանում Հայաստանի տարբեր մասնավոր տարածքներից փրկված արջերի մասին, բացառություն չեն նաև տոնական օրերը :

Հիմնադրամը շնորհակալությունն է հայտնում իր գործընկեր International Animal Rescue-ին նախաձեռնության գաղափարակիցն ու աջակիցը լինելու համար :

other , shrjaka-mijavayr

Եղանակը Հայաստանում հունվարի 6-11-ը

Posted on 6 Հունվարի, 2021

Հանրապետության տարածքում՝ Հունվարի 6-ի ցերեկը և 7-11-ը սպասվում է առանց տեղումների եղանակ։ Արարատյան դաշտում, Արագածոտնի, Կոտայքի և Վայոց ձորի մարզերի նախալեռներում սպասվում է ամպամածություն, մառախուղ և թույլ ձյուն։ Քամին՝ հյուսիս-արևելյան՝ 2-5 մ/վ: Օդի ջերմաստիճանն էապես չի փոխվի: Երևան քաղաքում՝ Հունվարի 6-ի ցերեկը և 7-11-ը սպասվում սպասվում է ամպամածություն, մառախուղ և թույլ ձյուն։

other , shrjaka-mijavayr

Արցախում 50 հազար ծառ կտնկվի «1 դոլար = 1ծառ» բանաձևով

Posted on 6 Հունվարի, 2021

Վայրի բնության և մշակութային արժեքների պահպանման հիմնադրամը իր «Օգնություն Արցախին» ծրագրի շրջանակներում մեկնարկում է «Մենք ենք մեր ծառերը» (We are our Forests) արշավն Արցախի անտառներին և էկոհամակարգերին արտակարգ օգնություն ցուցաբերելու նպատակով: Նվիրատվությանը մասնակցելու հղում՝ https://www.fpwc.org/donate/ ։ Ծառերն աճեցվելու են FPWC կողմից ստեղծված հատուկ տնկարանում, որտեղ կիրառվում է «թիրախային տնկման հայեցակարգ» (TCP) մեթոդը։ Աճեցման գործընթացը նախատեսվում է մեկնարկել 2021 թվականի մարտ ամսից, իսկ արդեն հոկտեմբեր ամսին բույսերը պատրաստ կլինեն տնկման համար ընտրված վայրերում։ Տնկման շրջանը սկսվում է հոկտեմբեր ամսվա կեսից և ձգվում է մինչև նոյեմբերի վերջ, սակայն անհրաժեշտ է հաշվի առնել նաև եղանակային պայմանները, ինչից կախված տնկման աշխատանքները միգուցե հնարավոր լինի իրականացնել նաև ձմռան ամիսներին։ Հիմնադրամը մշտապես հետևողական է կատարած աշխատանքի արդյունավետության նկատմամբ ու առաջնորդվելով այս գաղափարախոսությամբ և իրականացնելու համար տնկված ծառերի հետագա խնամքը՝ FPWC համագործակցում է «Արցախի բնության հիմնադրամի» (ANF) հետ, որն Արցախում առաջին բնապահպանական ՀԿ-ն է։ «Արցախի բնության հիմնադրամը» ստեղծվել է տարածաշրջանի եզակի բնական ժառանգությունը և կենսաբազմազանությունը պահպանելու նպատակով: Հիմնադրամն առաջին կազմակերպությունն է Արցախում, որը միջազգային աջակցություն է ստացել Ժնևում գործող «Franklinia» ֆոնդի կողմից։ Ժնևը ճանաչել է Արցախը և աջակցել է դրա յուրահատուկ և եզակի անտառների պահպանման նախաձեռնությանը 2019 թվականին։ FPWC և ANF նախատեսում են հետևել ծառերի բնական աճին պայմանականորեն 5 տարի շարունակ։ Հետագա խնամքը ներառում է ոռոգման իրականացում ամռան ամիսներին, պահպանություն անտառապահների կողմից, ինչի միջոցով կկանխարգելվի տարածքների օգտագործումը որպես արոտավայրեր և խնամքի այլ եղանակների իրականացում։ Այս տարիների ընթացքում ծառերը կձևավորեն և կունենան կայուն արմատային համակարգ՝ ինքնուրույն աճը հետագայում շարունակելու համար։ Խնամքի 5 տարի ժամկետն ընտրվել է խուսափելու համար նաև մարդածին բացասական գործոնների ազդեցությունից։ Տեղում պահպանություն իրականացնող անտառապահների շնորհիվ մենք կունենանք անմիջական հսկողություն տնկված տարածքների նկատմամբ, ինչպես նաև՝ անհրաժեշտության դեպքում արագ արձագանքման հնարավորություն։ Այսպիսով, նվիրաբերելով ընդամենը 1 դոլար 1 ծառ տնկելու համար, հնարավոր կլինի Արցախում տնկել և աճեցնել շուրջ 50 000 ծառ։ Ընդգծենք, որ TCP մեթոդի հիմքում էնդեմիկ բուսատեսակների սերմերի ընտրության, արտադրության և հետագա վերամշակման գաղափարն է, որը հարմարեցված է կոնկրետ տնկման միջավայրի ֆիզիկական և մորֆոլոգիական բնութագրիչներին։ Նախ, ընտրվում է տեղի էնդեմիկ բուսատեսակի սերմ, սածիլները խնամքով մշակվում են տնկարաններում, այսպիսով հարմարեցվում են այն տարածքին, որտեղ տնկվելու են, իսկ համատեղելով բույսի որակային հատկանիշներն ապահովող այլ հատկությունների հետ, ապահովվում է բարձր կպչողականություն (80-90 տոկոս)։ «Մենք ենք մեր ծառերը» արշավի շրջանակներում նախատեսվում է իրականացնել նաև GPS կոորդինատներով տվյալների հավաքագրման աշխատանքներ, ինչը հնարավորություն կտա առավել լայն տեղեկատվության տիրապետել ծառերի աճի գործընթացի մասին և իրականացնել համապատասխան հետազոտություններ։ Կարևոր է, որ Արցախի տարածաշրջանը կենսաբազմազանության թեժ կետ է համարվում: Այս անտառներում հանդիպում են ավելի քան 6000 բուսատեսակներ, 153 տեսակ կաթնասուններ և 400 տեսակի թռչուններ։ Այս տեսակներից շատերն ընդգրկված են ՀՀ և ԱՀ կարմիր գրքերում, ինչպես նաև միջազգային IUCN կարմիր ցուցակում որպես վտանգված կամ անհետացող տեսակներ։ 2020 թվականի աշնանն Ադրբեջանի կողմից հրահրած լայնածավալ պատերազմական գործողությունների հետևանքով մեծապես վնասվել և վտանգվել է Արցախի բացառիկ բնաշխարհը։ Արցախի անտառները կարևոր նշանակություն ունեն ոչ միայն բնության պահպանության, այլև առաջնային են տեղի բնակչության գոյատևման տեսանկյունից։ 2020 թվականի լայնածավալ պատերազմական գործողություններից հետո, տարածքների կորստի պատճառով, Արցախի բնակչության համար առաջացել է նոր մարտահրավեր` ջրի սակավության հնարավոր խնդիրը, քանի որ ջրային ռեսուրսների մեծ մասն այժմ գտնվում է Ադրբեջանի վերահսկողության տակ: Բնականաբար, անտառները ծառայում են որպես ջրի հավաքման, պահեստավորման, զտման և հոսքի բնական համակարգ ՝ առվակների, թաց մարգագետինների և ջրհորների միջոցով:

other , eco-snund , eco-dexatun

Կարմիր գինու օգտակարությունը չափազանցված է

Posted on 6 Հունվարի, 2021

Ամերիկացի և իտալացի գիտնականների խմբի փորձերը ցույց են տվել, որ գինու, հատապտուղների և շոկոլադի մեջ պարունակվող ռեսվերտրոլ հակաօքսիդանտը չի ազդում մարդու կյանքի տևողության վրա և չի նվազեցնում սիրտ-անոթային հիվանդությունների և ուռուցքների առաջացման ռիսկը: Հետազոտության արդյունքները հրատարակվել են JAMA Internal Medicine ամսագրում: Ռեսվերատրոլ կա շոկոլադի, գետնանուշի, խաղողի և որոշ մրգերի մեջ: Լայն տարածում է գտել այն կարծիքը, որ այդ հակաօքսիդանտը կարող է դանդաղեցնել ծերացման գործընթացը, և նվազեցնել սիրտ-անոթային և ուռուցքաբանական հիվանդությունների ռիսկը: Համաձայն անցած տարի տպագրված Հարվարդի համալսարանի և ԱՄՆ-ի Ազգային առողջապահության ինստիտուտի գիտնականների կողմից կատարված հետազոտությանը՝ ռեսվերատրոլը դանդաղեցնում է ծերացումը մկների մոտ: Սակայն նոր հետազոտությունը չի հայտնաբերել նման կապ ռեսվերտրոլ պարունակող սննդամթերքի օգտագործման և մարդու առողջության միջև: 1998-2009 թվականներին գիտնականները հետևել են Տոսկանիայի երկու քաղաքների 65 տարեկանից բարձր 783 տղամարդկանց և կանանց առողջական վիճակին: Հետազոտության մասնակիցները պատմել են իրենց սննդակարգի մասին, նրանք կանոնավոր հանձնում էին մեզի անալիզ՝ ռեսվերատրոլի մետաբոլիտ հայտնաբերելու նպատակով: Հետազոտության կատարման իննը տարիների ընթացքում 268 մասնակիցներ մահացել են (34.3%), 174-ի (27.2%) մոտ հայտնաբերվել է սիրտ-անոթային հիվանդություն, իսկ 34-ի մոտ (4.6%)՝ ուռուցքային հիվանդություն: Ելնելով այնպիսի գործոններից, ինչպիսիք են՝ տարիքը և սեռը, պարզվել է, որ բարձր քանակությամբ ռեսվերատրոլ պարունակող սննդամթերք օգտագործողները ենթակա են տարբեր հիվանդությունների այնքանով, որքանով այն մարդիկ, ում սննդակարգում ռեսվերատրոլի քանակը շատ չէր: «Ռեսվերատրոլի պատմությունն այն դեպքերից է, երբ խոսքը գնում է վերջինիս՝ առողջության համար օգտակարության բազմաթիվ ապացույցների մասին, որոնք չեն հաղթահարել ժամանակի փորձությունը, - ասել է փորձաքննության գլխավոր հեղինակ Ռիչարդ Սեմբան- Ենթադրվում է, որ մի շարք մթերքներ և ըմպելիքներ օգտակար են, քանի որ պարունակում են ռեսվերատրոլ: Մենք չենք հայտնաբերել նման կապ»: Գիտնականներն կարծում են, որ այդ հարցին վերջնական պատասխան տալու համար պետք է կատարել մի շարք լրացուցիչ հետազոտություններ: Բրիտանիայի սրտաբանության հիմնադրամի անդամ Մորին Տալբոտը նշել է. - «Չնայած այդ հետազոտության արդյունքները մեզ համար հետաքրքրական են, սակայն մենք չենք փոխի այդ մասով մեր առաջարկությունները: Ամեն դեպքում մրգերի և բանջարեղենի օգտագործումը օգտակար է մարդկանց համար: Մենք ընդունում ենք մարդու առողջության վրա ռեսվերատրոլի ազդեցության վերաբերյալ հետագա հետազոտությունների անհրաժեշտությունը»: Նյութը՝ jamanetwork.com

other , eco-aprelakerp , eco-mshakuyt

Դիտե՛ք բոլոր ժամանակների ամանորյա ամենահայտնի ֆիլմերը

Posted on 5 Հունվարի, 2021

Ո՞ր ֆիլմերն են, որ հաճելի կլինի դիտել մտերիմների հետ այս ամանորյա երեկոները: Eco.am-ն կազմել է ֆիլմերի ցանկ, որոնք կարող եք դիտել և վայելել ամանորյա մթնոլորտը:

ԿՈՐԱԾ ՍՈՒՐԲ ԾՆՈՒՆԴ

Ֆիլմը տեղի է ունենում Մանչեսթերում Սուրբ Ծննդյան տոներին: Քաղաքում հայտնվում է մի անծանոթ, ով չի հիշում իր անունը, և ով նույնիսկ չգիտի, թե որտեղ է գտնվում: Այնուամենայնիվ, ժամանակի ընթացքում նա զարմանալի ունակություններ է դրսևորում. Ցանկացած մարդու դիպչելով ՝ նա կարող է որոշել, թե ինչն է կորցրել մարդը և ինչպես օգնել իրեն: Բայց ով է այդ մարդը, և որտեղից է եկել: Եվ ինչու նա հայտնվեց Մանչեսթերում Սուրբ Ծննդյան օրը ՝ փոքրիկ Գուսի ծնողների մահից մեկ տարի անց: Ֆիլմը կարող եք դիտել այստեղ

ԳՐԻՆՉ

Կար-չկար երևակայական մի քաղաքում կանաչ մազերով մի մարդ կար, անունն էլ՝ Գրինչ: Քաղաքի բնակիչներից ոչ մեկը չէր սիրում նրան, որովհետև նա մի քիչ այլ տեսք ուներ, և Գրինչը մի օր որոշեց հեռանալ ու ապրել մենակ: Բայց, քանի որ նա չարացած էր մյուսների նկատմամբ, ապա որոշեց գողանալ քաղաքի բնակիչների Սուրբ Ծնունդը… Ֆիլմն ամբողջությամբ՝ դիտեք այստեղ

ՁՄԵՌ ՊԱՊԻ ԳԱՂՏՆԻ ԾԱՌԱՅՈՒԹՅՈՒՆԸ

Ձմեռ պապը իր հավատարիմ օգնական Էլֆերի հետ անխոնջ աշխատում է: Ի վերջո, Սուրբ Ծնունդը առջևում է, և նա միլիոնավոր նվերներ կմատուցի աշխարհի տարբեր մասերում գտնվող երեխաներին: Այնուամենայնիվ, նույնիսկ առավել կարգաբերված համակարգը կարող է ձախողվել: Այսպես էլ պատահեց այս անգամ։ Ձմեռ պապը մոռացավ երկար սպասված նվեր մատուցել փոքրիկ աղջկա: Այս դեպքի պատճառով իսկական հուզմունք է սկսվում, քանի որ նույնիսկ մեկ երեխա, ով չի ստանում իր նվերը, կարող է խաթարել պայծառ տոնի ոգին: Եվ մինչ բոլորը որոշում են, թե ինչ անել, Ձմեռ պապի ամենակրտսեր որդին `Արթուրը, աղջկա նվերը մատուցելու համար հետաքրքիր ճանապարհորդության է մեկնում։ Ֆիլմը կարող եք դիտել այստեղ

ԲԵՒԵՌԱՅԻՆ ԷՔՍՊՐԵՍ

Ֆիլմը պատմում է փոքրիկ տղայի արտասովոր ճանապարհորդությունների մասին Հյուսիսային բևեռը կախարդական գնացքով դեպի Ձմեռ պապ: Տղան հավատում է Ձմեռ պապիկին, չնայած այն բանին, որ նրա բոլոր ընկերներն ու ընտանիքը միաձայն ասում են, որ սա պարզապես հեքիաթ է: Եվ հետո մի օր տղայի հավատը հատուցվում է: Սուրբ Ծննդյան նախօրեին տղան հանկարծ հնարավորություն է ունենում կախարդական գնացք վերցնել ՝ նրան այցելելու: Եվ մինչ Սուրբ Ծննդյան գիշերը իջնում է քնած աշխարհի վրա, ուղևորներին շտապում են դեպի Հյուսիսային բևեռ ՝ հանդիպելով արկածների ու վտանգների իրենց ճանապարհին, որոնք սպասում են սարսափելի լեռներին, մութ անտառներին և սառցե թունդրաներին: Հերոսները զարմանալի ճանապարհորդություններ են ակնկալում իրենց նպատակին հասնելու ճանապարհին: Ֆիլմը կարող եք դիտել այստեղ

ՁՅՈՒՆԵ ԹԱԳՈՒՀԻՆ

Այս մուլտֆիլմը հիմնված է Հանս Քրիստիան Անդերսանի հեքիաթի վրա, բայց ժամանակակից ձևով: Նոր կերպարներին կավելացվեն այն կերպարները, որոնք մենք վաղուց գիտեինք: Ձյունե թագուհին փորձում է փրկել բոլոր մարդկանց ցանկացած հույզերից, դրա համար նա պետք է յուրաքանչյուր մարդու սիրտը վերածի նույնի, ինչ իրը`սառույցի մի կտորի: Քեյն ու Գերդան եղբայր ու քույր են: Նրանք ապրում են հանգիստ կյանքով այն քաղաքներից մեկում, որտեղ Քեյը մարդկանց ուրախացնում է իրենց նկարներով: Բայց ամեն ինչ փոխվում է այն բանից հետո, երբ Ձյունե թագուհին առևանգում է նրան: Գերդան, որպես սիրող քույր, այլ ելք չունի, քան մեկնել վտանգավոր ճանապարհորդության ՝ եղբորը գտնելու համար: Ֆիլմը կարող եք դիտել այստեղ

ՍՈՒՐԲ ԾՆՆԴՅԱՆ ՏԱՐԵԳՐՈՒԹՅՈՒՆՆԵՐԸ

Պատմության կենտրոնում են եղբայր ու քույր ՝ Թեդին և Քեյթը: Նրանք իսկապես ցանկանում են բոլորին ապացուցել, որ Սանտա իրականում գոյություն ունի, և դրա համար նրանք պատրաստ են նույնիսկ հետևել դրան և նկարահանել այն իրենց դյուրակիր տեսախցիկով: Ֆիլմի հերոսները չէին կարող պատկերացնել, որ իրականում բաներն ամենևին էլ այն չէին, ինչ մտածում էին: Պարզվեց, որ Ձմեռ պապը բարեսիրտ ծերուկ չէր, այլ իսկական սրամիտ էր ՝ անտանելի բնավորությամբ: Ի վերջո, Թեդին և Քեյթը Սուրբ Ծննդյան տիրոջ հետ գնում են ռիսկային և աներևակայելի հուզիչ ճանապարհորդության, որի ընթացքում նրանք ստիպված կլինեն անել հնարավոր ամեն ինչ `տոնը փրկելու համար: Ի՞նչ արկածներ են սպասում նրանց այս ուղևորության ընթացքում: Ֆիլմը կարող եք դիտել այստեղ

ՍՈՒՐԲ ԾՆՈՒՆԴՆ ԱՆՀԱՋՈՂԱԿՆԵՐԻ ՀԵՏ

Կրենկ ընտանիքը ամեն տարի նշում էր Սուրբ Ծնունդը: Բայց ժամանակի ընթացքում այս բոլոր Ծննդյան տոները, տոնածառերը, ձնեմարդերը, նվերներն ու տոնական ընթրիքները հոգնեցրել էին նրանց: Եվ այսպես, երբ Նորայի և Լյութերի դուստրը ՝ Բլերը, մեկնում է ուսման, ամուսինները հնարավորություն ունեն անցկացնել բոլոր Ծննդյան տոները Կարիբյան կղզում, միաժամանակ խնայելով 6000 դոլար: Սակայն Կրենկովի հարևանները իմացան ամուսինների պլանների մասին, և դա հարուցեց նրանց խորը դժգոհությունը: Բացի այդ, Բլերը որոշեց գալ իր փեսացուի հետ միասին: Եվ այժմ Կրենկը ստիպված էր խուճապի մատնվել և շտապ զարդարել տունը ՝ նախքան նրա դստեր գալը: Ֆիլմը կարող եք դիտել այստեղ

ՍՈՒՐԲ ԾՆՆԴՅԱՆ ՄՈՄ

Գլադբերիի փոքրիկ գյուղում ոչ մի արտառոց բան տեղի չի ունեցել, բացառությամբ Սուրբ Ծննդյան: Լեգենդն ասում է, որ ամեն 25 տարին մեկ հրեշտակ գալիս է տեղական մոմակալի մոտ և շոշափում մեկ մոմ: Եվ ինչ-որ մեկի հետ, ով այս մոմը վառում է, Սուրբ Ծննդյան նախօրեին հրաշք է լինելու: Բայց 1890-ին ՝ ժամանակակից դարաշրջանի լուսաբացին, այս ամենը կփոխվի։ Ֆիմը կարող եք դիտել այստեղ

ԳՈՅԱՏԵՒԵԼ ՍՈՒՐԲ ԾՆՈՒՆԴ

Նախանձելի քրտնաջան աշխատանքի և համառության շնորհիվ ՝ Դրյու Լաթամi բախտ է բերել: Իր տարիներին նա հասավ ցնցող հաջողության և դարձավ հաջողակ գործարար: Ծննդյան տոների նախօրեին, իր մաքուր մաքրած բնակարաններում, նա ցանկանում է առաջարկություն անել իր ընկերուհուն, բայց նա խզում է հարաբերությունները: Հանկարծակի փլուզման ցավը թեթևացնելու համար Դրյուը որոշում է փոխել մթնոլորտը: Միակ տեղը, որտեղ, նրա կարծիքով, նա կգտնի հոգևոր ներդաշնակություն, այն տունն է, որտեղ այնտեղ անցկացրած մանկության պայծառ հիշողություններ կան: Այնուամենայնիվ, տոնական մթնոլորտի կանխատեսումը հերոսին վայր է դնում հենց այն պահին, երբ նա գտնվում է երբեմնի հայրենի տան շեմին: Տունը գտնվում է անմխիթար վիճակում, և նրա բնակիչները անվերջ բողոքում են կյանքի մասին ՝ առանց որևէ գործողություն ձեռնարկելու սեփական կապիտալը մեծացնելու համար: Բայց նույնիսկ վիճելի տրամադրությունները չեն կարողանում ստվերել հերոսին: Նա նրանց առաջարկում է տպավորիչ ջեքփոտ ՝ ընտանիքի շրջանակներում մեկ երեկոյի դիմաց: Բայց ինչպե՞ս գոյատևել Սուրբ Ծնունդը, երբ փոխըմբռնում չկա: Ֆիլմը կարող եք դիտել այստեղ

ՍԱՆՏԱ ԼԱՊՈՒՍ

Դո՞ւք պատկերացնում եք ձեր կյանքն առանց Ձմեռ պապիկի: Ես՝ ոչ: Այս ֆիլմում Ձմեռ պապիկն ու իր ընկեր Սանտա Լապուսը գալիս են քաղաք՝ Ամանորյա նամակներ հավաքելու, սակայն քաղաքում Սանտա Լապուսը կորում է, իսկ Ձմեռ պապիկը սկսում է նրան փնտրել: Փնտրտուքների ընթացքում նա հանկարծ ընկնում է մեքենայի տակ և կորցնում գիտակցությունը: Այդ ընթացքում մի մուրացկան գողանում է նրա կախարդական վզնոցը, որի շնորհիվ Ձմեռ պապիկը պիտի ապրեր հավերժ: Այդ պահից նա կորցնում է հիշողությունը և սկսում է ապրել սովորական կյանքով, իսկ Սանտա Լապուսին գտնում են երկու փոքրիկ աղջիկներ, ովքեր ապրում էին մանկատնում: Կկարողանա՞ն արդյոք երկու ընկերներ գտնել իրար, բնականաբար կիմանաք, եթե դիտեք ֆիլմը: Ֆիլմը կարող եք դիտել այստեղ

ԱՐՔԱՅԱԶՆ ՍՈՒՐԲ ԾՆՈՒՆԴԻ ՀԱՄԱՐ

Ֆիլմի սյուժեի հենց կենտրոնում է գտնվում Ամբեր անունով մի երիտասարդ աղջիկ: Որպես լրագրող, նա անընդհատ հետապնդում է սենսացիաները և պարբերաբար հետաքննում վիճահարույց հարցերը: Ամբերը փորձում է բարձրանալ կարիերայի սանդուղք և անում է ամեն ջանք և հավակնություն ՝ իրականացնելու իր մասնագիտական երազանքները: Մի անգամ աղջիկը հնարավորություն ունի գրել եզակի հոդված ՝ նվիրված երիտասարդ արքայազնին, որի մասին խոսում են գրեթե բոլոր համաշխարհային լրատվամիջոցները: Նրա սկանդալները մեծ հետաքրքրություն են առաջացնում հասարակության համար, ուստի Ամբերը հասկանում է, որ բացառիկ նյութը կօգնի նրան մի քանի քայլ առաջ գնալ և ձեռք բերել անհրաժեշտ հեղինակություն: Եվ նյութեր հավաքելու համար նա, օգտագործելով դայակի և դաստիարակի դերը որպես ծածկ, դնում է թագավորական ընտանիքը: Դրա հիմնական նպատակն է ներսից ընտանիքի մասին պատկերացում կազմել, որպեսզի հասարակությանը փոխանցի էլիտայի կյանքի մասին բոլոր տեղեկությունները: Բայց նրա փոքր առաքելությունը սպառնում է, երբ նա սիրահարվում է արքայազնին: Ֆիլմը կարող եք դիտել այստեղ

ՍԱՆՏԱՅԻ ԱՇԱԿԵՐՏԸ

Այսպիսով Ձմեռը պապը ստիպված է լինում թոշակի անցնել, բայց սա չի նշանակում, որ այժմ աշխարհի բոլոր երեխաները կմնան առանց նվերների, քանի որ, ավանդույթի համաձայն, Սանտան պետք է ստացողին ուսուցանի մոգության և կախարդանքի բոլոր նրբությունները: Խնդիրն այլ է. Ո՞վ է լինելու լեգենդար կերպարի իրավահաջորդը: Ընտրության չափանիշները այնքան էլ շատ չեն. Նա պետք է որբ լինի, կոչվի Նիկոլաս և մաքուր հոգի ունենա: Կլինի՞ այդպիսի երեխա: Ֆիլմը կարող եք դիտել այստեղ

ԲԱՐԻ ԳԱԼՈՒՍՏ, ԿԱՄ ՀԱՐԵՒԱՆՆԵՐԻ ՄՈՒՏՔՆ ԱՐԳԵԼՎՈՒՄ

Ֆինլանդական ընտանիքը Սուրբ Ծննդյան նախօրեին տեղափոխվում է Հյուսիսային Ամերիկայի հանգիստ քաղաք: Ընտանիքի հայր Սթիվը հույս ունի արձակուրդի ընթացքում միավորել իր ընտանիքին, բայց նրա ծրագրերը խախտվում է Բադի Հոլլի կողմից ով ընտանիքի հետ տեղափոխվում է այս քաղաք: Հանդիպվելով ՝ հարևանները ընկերներ են դառնում: Այնուամենայնիվ, ամեն ինչ փոխվում է այն բանից հետո, երբ Բադին համակարգչում տեսնում է իր տան պատկերները արբանյակով, և այն շատ ավելի փոքր էր, քան Սթիվի տունը: Այնուհետև Բադին որոշում է տունը զարդարել տոնական հանդերձանքներով, որպեսզի այն ավելի տեսանելի լինի տիեզերքից: Բայց Սթիվին դա դուր չի գալիս, քանի որ Հոլլը կատաղում և հափշտակում է էլեկտրաէներգիան տունը լուսավորելու համար: Ֆինչը պատրաստ է ամեն գնով միջամտել հարևանի գաղափարին կամ ղեկավարել իր նախագիծը:

Ֆիլմը կարող եք դիտել այստեղ

ԷԼՖԸ

Էլֆը 2003 թվականի ամերիկյան Սուրբ Ծննդյան կատակերգությունը ֆիլմ է։ Ֆիլմ է կենտրոնացված է Buddy-ի վրա մարդ, որը որդեգրված եւ մեծացված է եղել Santa-ի էլֆերի կողմից։ Նա իմանում է այդ մասին եւ մեկնում է New York City իր կենսաբանական ծնողների հետ հանդիպելու համար միաժամանակ ուրախություն տարածելով աշխարհի վրա։ Ֆիլմը կարող եք դիտել այստեղ

ԸՆՏԱՆԻՔԻ ՏՂԱՄԱՐԴԸ

Ընտանիքի տղամարդ-ը 2000 թվականի ռոմանտիկ կատակերգությունը-դրամա ֆիլմ է։ Այս ֆիլմը կենտրոնացված է մի մարդու վրա, որը տեսնում է թե ինչպիսին կլիներ իր կյանքը եթե տարիներ առաջ նա կայացնել մեկ այլ որոշում։ Ֆիլմը կարող եք դիտել այստեղ

ՍԵՐ ԻՐԱԿԱՆՈՒՄ

Սեր, իրականում-ը 2003 թվականի բրիտանական ռոմանտիկ կատակերգությունը ֆիլմ է։ Պատմությունը սկսում է Սուրբ Ծնունդից հինգ շաբաթ առաջ եւ ընդանում է շաբաթական հետ հաշվարկով մինչեւ տոնը։ Այս ֆիլմը միջազգային արտադրություն է Մեծ Բրիտանիայի ԱՄՆ-ի եւ Ֆրանսիայի միջեւ։ Ֆիլմը կարող եք դիտել այստեղ

ՍՈՒՐԲԾՆՆԴՅԱՆ ԱՍՏՂ

Սուրբծննդյան աստղ-ը 2013 թվականի ֆիլմ է։Այս ֆիլմը Քրիս Մարշալի մասին է, որի կինը մահացել է հինգ տարի առաջ» թողնելով նրան միայնակ երկու երեխաների հետ։ Նա աշխատում է ավագ դպրոցում, որպես բասկետբոլի մարզիչ։ Նրա դուստրը» Սոֆին, իմանում է, որ Քրիսի առաջին սերը եղել է Նիկկի Քրենդոնը, որ այժմ հայտնի փոփ-աստղ էր։ Սոֆին փորձում է անել հնարավոր ամեն ինչ, որպեսզի նրանք կրկին միասին լինեն։ Ֆիլմը կարող եք դիտել այստեղ

ՍՈՒՐԲԾՆՆԴՅԱՆ ԽԱՌՆԱՇՓՈԹ

Սուրբ Ծննդյան խառնաշփոթ-ը 2013 թվականի ամերիկա-կանադական ֆիլմ է։ Այս ֆիլմը մի կնոջ մասին է, որը պետք է միայնակ մեկներ իր փեսացուի ծնողների մոտ’ առաջին անգամ Սուրբ Ծնունդը նրանց հետ անցկացնելու։ Օդանավակայանում նա առաջին անգամ հանդիպում է իր փեսացուի եղբորը։ Նրանք միասին գնում են տուն, որտեղ նա ծանոթանում է շատ ջերմ ու բարի ընտանիքի հետ։ Ամեն ինչ իդեալական է թվում, մինչ նրա փեսացուի գալը։ Տեսնելով փեսացուին նա գիտակցում է, որ սխալ ընտանիքում է։ Ֆիլմը կարող եք դիտել այստեղ

View Post »

In

other , eco-aprelakerp , eco-snund

Ինչ են մատուցում Սուրբ ծննդյան սեղանին՝ աշխարհի տարբեր երկրներում

Posted on 5 Հունվարի, 2021

Սուրբ ծնունդին աշխարհի տարբեր երկրներում տարբեր տեսակի ուտեստներ են պատրաստվում։ Ահա թե ինչ է ընդունված մատուցել Սուրբ ծնունդին՝ տարբեր երկրներում։ ՀԱՅԱՍՏԱՆ Սուրբծննդյան տոնն առաջին հերթին հոգևոր խորհուրդ ունի և սեղանին դրվող կերակրատեսակները պետք է լինեն խորհրդանշանական: Այդ է պատճառը, որ սեղանին պարտադիր պետք է լինի ձուկ, որը հունարեն թարգմանաբար կոչվում է «Իխտուս»: Այս բառը օգտագործվել է հին քրիստոնյաների կողմից որպես հապավում, որը կազմված էր «Հիսուս Քրիստոս Աստծո Որդի Փրկիչ» բառերի առաջին տառերից։ Տոնի գլխավոր կերակրատեսակը, իհարկե, ձուկն է, որը կարելի է պատրաստել ամենատարբեր ձեւերով, սակայն նախապատվությունը տվեք խաշած տարբերակին: Հաջորդը չրեղենով եւ չամիչով համեմված բրինձով փլավն է: Սուրբ Ծնունդին, ինչպես Քրիստոսի Հարության տոնին, պատրաստում ենք նաեւ տապակած կանաչի: Ձմռան շրջանում դա կարելի է պատրաստել չորացրած կանաչիներով: Որպես աղանդեր՝ սեղանին կարելի է տնական գաթա դնել, նաեւ չրեր եւ ընդեղեն: Ծննդյան տոնը շնորհավորում են կարմիր գինով, որը խորհրդանշում է Քրիստոսի արյունը: ՉԵԽԻԱ Չեխիայում նախքան Սուրբ ծնունդը պահք են պահում։ Իսկ ահա Սուրբ ծննդյան սեղանին պարտադիր մատուցում են ծածան ձուկ, որի հետ տարբեր ավանդույթներ կան կապված։ Չեխերն իրենց դրամապանակի մեջ Սուրբ ծննդյան ծածանի թեփուկներից են դնում, որպեսզի տարին բարգավաճ լինի։ Չեխիայում սովորույթ կա նաեւ, երբ Սուրբ ծնունդին ծածան են առնում, նրան պահում ջրի մեջ, իսկ տոնից հետո ողջ բաց թողնում որեւէ գետի մեջ։ ԳԵՐՄԱՆԻԱ Գերմանիայում Սուրբ ծննդյան սեղանին մատուցում են բանջարեղենային ապուր, խաշած ձուկ, խորոված խնձոր, թեյ՝ կոճապղպեղից բլիթի հետ։ ԼԵՀԱՍՏԱՆ Լեհաստանում Սուրբ ծննդյան սեղանին պարտադիր մեկ ավել ափսե են դնում, գուցե անսպասելի հյուր գա։ Սեղանին 12 ուտեստ են մատուցում, որոնց մեջ բացակայում են միսն ու ալկոհոլը։ ՖԻՆԼԱՆԴԻԱ Ֆինլանդիայում Սուրբ ծնունդը համարվում է ընտանեկան տոն, որի ժամանակ բարեկամները հավաքվում են մի սեղանի շուրջ։ Մինչեւ ուտելուն անցնելը՝ ֆինները պարտադիր լողանում են։ Իսկ սեղանին դնում են վինեգրեդ աղցան, եփած գազար ու գլինտվեյն՝ գինի՝ մրգերով ու քաղցրեղենով։ ԴԱՆԻԱ Դանիայում ընդունված է Սուրբ ծննդյան սեղանին մի մոմ վառել՝ ճանապարհորդների համար։ Սեղանին մատուցում են ձուկ, բադ, հնդկահավ, բրնձի փլավ։ Դանիացիները մի ափսե լիքը ուտելիք են դնում առանձին՝ տան էլֆի համար։ ԻՏԱԼԻԱ Իտալիայում ընդունված է Սուրբ ծնունդի սեղանը զարդարել կարմիր ու սպիտակ սպասքով։ Սեղանին դնում են լազանյա, հնդկահավ, մսային ասորտի, պոպոք, Սուրբ ծննդյան թխվածքներ։ Միակ բանը, որ արգելված է դնել Սուրբ ծնունդի սեղանին Իտալիայում, խնձորն է, այն համարվում է առաջին մեղքի սիմվոլը։ ԱՎՍՏՐԻԱ Ավտրիայում ավանդական Սուրբ ծննդյան ուտեստը կոճապղպեղի հացն է։ Բացի այդ, մատուցում են ծածան՝ գարեջրի սոուսով, պանրե բլիթներ, ինչպես նաեւ թխվածքների լայն տեսականի։ ՄԵԾ ԲՐԻՏԱՆԻԱ Մեծ Բրիտանիայում Սուրբ ծնունդը սկսում են նշել դեռ ցերեկվանից։ Իսկ սեղանին մատուցում են հնդկահավ, խոզի բուդ, տապակած կարտոֆիլ, մուրաբա, պուդինգ։ ՖՐԱՆՍԻԱ Ֆրանսիայում Սուրբ ծնունդը սկսում են տոնել դրա նախօրեի երեկոյան։ Ըստ ավանդույթի՝ Սուրբ ծնունդին նախորդող գիշերը պետք է չքնել մինչեւ կեսգիշեր։ Իսկ Սուրբ ծննդյան սեղանին դրանսիացիները մատուցում են բադ, հնդկահավ՝ շագանակներով։ Իբրեւ աղանդեր՝ նրանք մատուցում են Սուրբ ծննդյան ավանդական տորթ՝ Բյուշ-դե-Նոել։ Խմիչքներից մատուցում են շամպայն։

View Post »

In

other , eco-aprelakerp , eco-snund

Քրիստոս ծնավ և հայտնեցավ․ մեզ և ձեզ մեծ ավետիս. Սուրբ Ծննդյան պահք

Posted on 5 Հունվարի, 2021

Հայաստանյայց Առաքելական Սուրբ Եկեղեցու տոնացույցի համաձայն՝ Սուրբ Ծննդյան և Աստվածհայտնության հոգենորոգ տոնին նախորդում է շաբաթապահքը, որը, ինչպես մյուս պահքերը, ունի իր բարեկենդանը: Այդ ընթացքում օգտագործվում է բացառապես բուսական ծագում ունեցող սնունդ: Դեկտեմբերի 29-ը Սուրբ Ծննդյան պահքի բարեկենդանն է, իսկ արդեն հաջորդ օրվանից՝ դեկտեմբերի 30-ից մինչև հունվարի 5-ը ներառյալ, պահք է մինչև Սուրբ Ծննդյան Սուրբ Պատարագի ավարտը, երբ տրվում է Քրիստոսի Ծննդյան լուսավոր ավետիսը. «Քրիստոս ծնաւ եւ յայտնեցավ»: Հնում մեր բարեպաշտ նախնիները սրբորեն պահել են Սուրբ Ծննդյան պահքը՝ այն ամենևին չխախտելով Ամանորի գիշերն ու հաջորդ օրերին, սակայն խորհրդային աստվածմերժության տարիներին ամեն ինչ արվեց՝ մարդկանց ուշադրությունը հոգևորից դեպի մարմնավորն ու ժամանակավորը շեղելու համար. ամանորյա խրախճանքներն ու գինարբուքները ստվերեցին սուրբծննդյան գեղեցիկ ավանդույթներն ու ժողովրդական սովորույթները: Բայց այսօր էլ, ինչպես դարեր առաջ և դարեր շարունակ, ՄՃրագալույցի այր Եկեղեցին իր բարեպաշտ զավակներին հորդորում է պահեցողությամբ, ինքնաքննությամբ և անկեղծ ապաշխարությամբ պատրաստվել դիմավորել մեզ համար մարդացած Աստծո անքննելի Սուրբ Ծնունդը: Նոր տարվա առաջին օրը՝ հունվարի 1-ին, Առաքելական բոլոր եկեղեցիներում մատուցվում է Սուրբ և Անմահ Պատարագ, և պատշաճ է, որ քրիստոնյան աղոթքով սկսի տերունապարգև նոր տարին: Սուրբ Ծննդյան և Աստվածհայտնության տոնը տոնում ենք ութ օր շարունակ՝ մինչև հունվարի 13-ը՝ Տիրոջ Անվանակոչության տոնի օրը: Այդ օրերին մարդիկ միմյանց ողջունում են «Քրիստոս ծնաւ եւ յայտնեցաւ, օրհնեալ է յայտնութիւնն Քրիստոսի» ավետիսով: ԵԿԵՂԵՑՈՒ ՍՈՒՐԲ ՀԱՅՐԵՐԸ՝ ՊԱՀՔԻ ՄԱՍԻՆ «Պահքը մարդկանց ապաշխարության է հորդորում և առաքինի դարձնում: Ըստ խոստովանության կարգի հաստատվելով պահքի մեջ՝ ազատվում ենք մեղքերից»: «Ինչպես որ կերակուրներն են աղով համեմվում և կրակով բարեհամ դառնում մարդկանց կարիքների համար, այնպես էլ մտքի և մարմնի կամքը համեմվում է կատարյալ պահքով և հոգու շնորհներով»: Սուրբ Գրիգոր Լուսավորիչ «Հնավանդ պարգև է պահքը. այն չի թարշամում և չի ծերանում, այլ միշտ նորոգվում է և աճելով՝ ծաղկում: …Ամաչի՛ր պահքի ծերությունից: Այն հասակակից է մարդկությանը: Պահքը օրինադրվել է դրախտում»: «Որքան պահքով նվազեցնես մարմինդ, այնքան հոգիդ կփայլեցնես հոգևոր առողջությամբ»: «Հագենալը հաճելի է որովայնին, իսկ պահքը օգտաշահ է հոգուն»: Սուրբ Բարսեղ Կեսարացի «Պահք է անվանվում ոչ միայն կերակուրներից ժուժկալելը, այլև խուսափելն ամեն տեսակ մեղքերից, քանզի պահք է նաև աչքերն արատությունից, լսելիքը՝ անդեպ լսելուց, և սիրտը՝ պիղծ խորհուրդներից զերծ պահելը: Պահք է նաև չբարկանալը, չաղաղակելը, չնախանձելը, վրեժխնդիր չլինելը և չջանալը սեփական անձն ընկերոջ մոտ արդարացնել: Պահք է նաև խոնարհությունը, հնազանդությունը և սուրբ սրտով բոլորին սիրելը»: «Պահքի օրերին ինչ արգելում ես որովայնիդ, աղքատների՛ն տուր, քանզի դու պիտի քաղցես, և քաղցածը հագենա, և քո մեղքը քավվի»: Սուրբ Հովհան Մանդակունի «Պահքի օրերին Քրիստոս՝ Աստծո Միածին Որդին, կանգնած է՝ տալու մեզ երկնքի արքայությունն աղքատների ու տնանկների միջոցով. ոչ թէ մեր տված մեծ ողորմությունների, այլ մի կարիքավորին մի պատառ հաց ու պարզ ջուր տալու դիմաց»: «Ո՛վ պահեցող, պահի՛ր շրթունքներդ անեծքից, բամբասանքներից, հայհոյությունից, անարգելուց, նախատինքներից, հպարտ խոսքերից, նաև սուտ երդումներից, այլ թող «այո»-ն այո լինի, իսկ «ոչ»-ը՝ ոչ: Նայի՛ր քեզ և սանձի՛ր շրթունքներդ, որպեսզի բերանդ չխոսի խոսքեր, որոնք կլուծեն քո պահքը…, քանզի Աստծո կամքին հակառակ ամեն բան պիղծ է դարձնում քո պահքը»: Սուրբ Եփրեմ Ասորի

View Post »

In

other , eco-aprelakerp

Ամանորյա աուդիոհեքիաթ ձեր մանուկների համար

Posted on 4 Հունվարի, 2021

Մանկության տարիներին մենք բոլորս սիրում էինք լսել տատիկների ու մայրերի հեքիաթները բարու ու չարի, քրտնաջան աշխատանքի ու ծուլության, քաջության ու վախկոտության մասին: Հեքիաթները մեր մեջ արթնացնում էին լավագույն զգացմունքները և սովորեցնում մեզ լինել ազնիվ, մարդասեր, համարձակ և նպատակասլաց: Eco.am-ը առաջարկում է այս տոնական օրերին փոքրիկներին քնելուց առաջ «Արջուկները» հեքիաթի աուդիո տարբերակը միացնել, իսկ այդ ընթացքում դուք կարող եք ձեր գործերով զբաղվել: «Արջուկները» հեքիաթ Հեղինակ՝ Վ. Պողոսյան Կարդում է՝ Մարինե Դավթյանը [audio mp3="https://eco.am/wp-content/uploads/2021/01/ԱՄԱՆՈՐՅԱ-ՀԵՔԻԱԹ-ԱՐՋՈՒԿՆԵՐԸ-ՆՈՐ-ՏԱՐՎԱ-ՀԵՔԻԱԹՆԵՐ-AMANORYA-HEQIAT-NOR-TARVA-HEQIATNER-ՄՈՒԼՏ-ՀԵ.mp3"][/audio]

View Post »

In

other , eco-aprelakerp

Միասին սովորենք գուլպա գործել. Տեսանյութ

Posted on 4 Հունվարի, 2021

Գուլպա կամ գուրպա գործել Ջավախքի հայ աղջիկները սկսում էին սովորել 4 տարեկան հասակից։ Գուլպան հայ կնոջ օժիտի մաս կազմող կարևոր իր էր։ Ըստ երևույթին գուլպան, ինչպես Նազիկ Ավագյանն է գրում իր "Հայկական ժողովրդական տարազը" գրքում, պտղաբերության, մոգական նշանակություն է ունեցել, որովհետև գուլպաների լայն փոխանակությունը կատարվում էր ոչ միայն պսակվողների ազգականների, այլև բոլոր խնամիների միջև։ Վայոց ձորում գուլպա էին նվիրում նաև պսակող քահանային։ Ջավախքում կնունք կատարելուն նախորդում էր քավորին բազմաթիվ նվերների հետ գուլպաներ ուղարկելը։ Մուշում տատմերը նորածնին կնքելու համար երկու զույգ գուլպա էր վերցնում տանում կնքամոր տուն և խնդրում, որ գան երեխան գրկելու։ Այս և գուլպայի հետ կապված մյուս սովորությունները իսկապես վկայում են դրա ոչ միայն կիրառական մեծ նշանակության մասին, քանի որ Հայկական լեռնաշխարհում գուլպա կրում էին տարին առնվազն 6 ամիս, այլ նաև դրա խորհրդավոր նշանակության մասին, որպես ընտանիքի և պտղաբերության նշան։ Այդ իսկ պատճառով գուլպաները և դրանց կաղապարները զարդարում էին կենաց ծառի, ութաթև աստծո ծաղկի, հավերժության արևի պատկերներով։ Eco.am-ը առաջարկում է ձմռան այս ցուրտ օրերին փորձել սովորել գործել գուլպա, իսկ այդ հարցում մեզ կօգնի Անուշ Բերբերյանի պատրաստած տեսանյութը:

Ինչպես գործել գուլպա շուղերով

[video width="640" height="360" mp4="https://eco.am/wp-content/uploads/2021/01/videoplayback.mp4"][/video] Կրունկ - Պարզաբանում Շարք 1 - կտրում ենք 2 հատ (շարքի 3րդ և 4րդ հատերը և շարքի վերջի 3րդ և 4րդ հատերը գործում ենք միասին) Շարք 2 - գործում ենք թարս Շարք 3 - կտրում ենք 2 հատ Շարք 4 - գործում ենք թարս Շարք 5 - կտրում ենք 2 հատ Շարք 6 - գործում ենք թարս Շարք 7 - կտրում ենք 2 հատ Շարք 8 - գործում ենք թարս Շարք 9 - կտրում ենք 2 հատ Շարք 10 - գործում ենք թարս Շարք 11 - կտրում ենք 2 հատ Շարք 12 - գործում ենք թարս Շարք 13 - կտրում ենք 2 հատ, շարքի վերջում ավելացնում ենք մեկ հատ և ստանում 13 հատ (այս մասը պատահմամբ դուրս է մնացել կադրից): Շատ կարևոր է այդ հատը ավելացնել, որպեսզի գուլպայի վրա անցք չառաջանա. Ավելացումը կատարում ենք նույն ձևով ինչպես 15րդ շարքում, դիտեք 12:46րդ րոպեն Շարք 14 - գործում ենք թարս Շարք 15 ից սկսում ենք ավելացնել մինչև յուրաքանչյուր շուղի վրա կունենանք 13 հատ