Հունվարի 2-ին ժամը 18:40-ի սահմաններում Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղի Հատիսի փողոցի տներից մեկի մոտակայքում հայտնաբերվել է վիրավոր արծիվ:
Eco.am սոցիալական հարթակն այդ մասին տեղեկացավ Արտակարգ իրավիճակների նախարարությունից, իսկ ահազանգը փոխանցվել է «Էնդեմիկ և վտանգված տեսակների պահպանություն» հիմնադրամ:
Դեպքի վայր ժամանած աշխատակիցները պարզել են, որ վիրավոր թռչունը կարմիրգրքյան քարարծիվ է, որն ըստ նախնական զննության՝ ունի թևի հավանական հրազենային վնասվածք, որը ստացել է մոտ երկու շաբաթ առաջ։ Աշխատակիցները աձանագրել են, որ վիրավոր քարարծիվը հյուծված է և ջրազրկված։
Քարարծիվը տեղափոխվել է «Էնդեմիկ և վտանգված տեսակների պահպանություն» հիմնադրամի ժամանակավոր կացարան։ Սակայն, «Էնդեմիկ և վտանգված տեսակների պահպանություն» հիմնադրամը դիմում է կենդանաբուժական կլինիկաներին խնդրանքով՝ օգնել կազմակերպել ու անցկացնել այս քարարծվի վիրահատությունը, քանի որ մեր հիմնադրամը չունի համապատասխան բժշկական սարքավորումներ։
Նշվում է, որ թռչունը Բնության պահպանության միջազգային միության (IUCN) կողմից ընդգրկվել է Կարմիր ցուցակում և գնահատվում է որպես խոցելի տեսակ։
Հիշեցնենք, որ Գերմանիայի Բնության Պահպանության միության (NABU) հայաստանյան մասնաճյուղը քարարծիվը հայտարարել է 2023 թվականի տարվա թռչուն, այդպիսով հասարակության լայն շերտերի ուշադրությունը հրավիրել այդ տեսակի և նրա բնադրավայրերի պահպանության կարևորության վրա:
Մանրամասները՝ տեսանյութում․
Թողնել մեկնաբանություն