2000 թվականից մանկապարտեզը  համագործակցում է «Վորլդ Վիժն Հայաստան» Երևանի տարածքային զարգացման ծրագրի  և 2010 թվականից  «Քայլառքայլ» ԲՀ-ի հետ, որն իրականացնում է ուսումնառության անհատականացված երեխայակենտրոն մոտեցումներ, դաստիարակների վերապատրաստումներ և մեծ տեղ է հատկացնում ընտանիքների մասնակցությանը  երեխաների դաստիարակման և ուսուցման գործընթացին , ինչպես նաև կրթական ծրագրերի հետագա զարգացման հետազոտություններ է իրականացնում:

Այս ուսումնական տարում  «Վորլդ Վիժն Հայաստան» ՄԲԿ-ն  «Քայլառքայլ» ԲՀ-ի հետ ծնողական կրթության դասընթացներ է իրականացնում, որը նպաստում է ընտանեկան ինչպես նաև ծնող և երեխա փոխհարաբերությունների ներդաշնակ զարգացմանը:

Մեծ ուշադրություն է դարձվում երեխաների ֆիզիկական դաստիարակությանը: Երեխաները այստեղ սովորում են նկարել, երգել, ծեփել, կատարում են կառուցողական և ապլիկացիոն աշխատանքներ։

2014 թվականին «Քեթրին» ՀԿ-ն  և «Վորլդ Վիժն Հայաստան»  Երևանի տարածքային զարգացման ծրագիրը  վերանորոգել են մանկապարտեզում գործող   1 խմբի խմբասենյակը, սանհանգույցը ննջասենյակը և միջանցը:

«Վորլդ Վիժն Հայաստան» Երևանի տարածքային զարգացման ծրագիրը  համագործակցության ընթացքում  մանկապարտեզին  նվիրում է  մահճակալներ, պահարաններ,  երեխաներին զարգացնող խաղեր:

2013 թվականից Երևանի քաղաքապետարանը մանկապարտեզը համալրում է գույքով՝ մահճակալներ, սեղաններ, աթոռներ, մանկական զգեստապահարաններ, խոհանոցային պարագաներ, գույք, տեխնիկա՝ սալօջախ, սառնարան:

2017թ. դեկտեմբերի 14-ին Երևանի քաղաքապետ Տարոն Մարգարյանը ՄԱԿ-ի մշտական համակարգող և ՄԱԶԾ մշտական ներկայացուցչի պաշտոնակատար Դմիտրի Մարիյասինի հետ միասին ներկա է գտնվել մանկապարտեզի վերաբացման հանդիսավոր արարողությանը: Հիմնանորոգումից հետո շուրջ 50 տարվա պատմություն ունեցող նախակրթարանը բոլորովին նոր հարմարություններով է իր դռները բացել սաների առջև: