Օդերևութաբանության համաշխարհային օրվան և Հայաստանի Հանրապետությունում անտառագետի, ջրաբանի, օդերևութաբանի օրերին նվիրված երեկ տեղի է ունեցել հանդիսավոր նիստը որի ընթացքում ամփոփվեցլ են նաև Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի 2023 թվականի գործունեության հիմնական արդյունքները։
Ողջույնի խոսքով նիստը բացել է ՇՄՆ «Հայհիդրոմետ» ՊՈԱԿ-ի տնօրեն Լևոն Ազիզյանը, որը ընդգծել է օրվա կարևորությունը, ինչպես նաև տարբեր ոլորտներում հիդրոօդերևութաբանական տվյալների կիրառման նշանակությունը։
Մասնագիտական տոների առթիվ հանդես է եկել շրջակա միջավայրի նախարար Հակոբ Սիմիդյանը, ով իր շնորհավորական ուղերձում մասնավորապես շնորհակալություն է հայտնել բոլոր նրանց, ում ջանքերի շնորհիվ ոլորտը զարգացում է ապրում։
«Այժմ, քան երբևէ, մեծ է գիտելիքի և փորձառության պահանջարկը ձեր մասնագիտական բնագավառում՝ այն է՝ ճիշտ ժամանակին և ճշգրտորեն կանխատեսել բնական երևույթները, ինչպես նաև ամենօրյա ռեժիմով իրականացնել շրջակա միջավայրի մշտադիտարկման աշխատանքներ»,- իր ելույթում ընդգծել է ՇՄ նախարար Հակոբ Սիմիդյանը։
Իսկ «Հայհիդրոմետ» ՊՈԱԿ-ի միջազգային և տեղական գործընկերները հատուկ անդրադարձ են կատարել սերտ համագործակցության կարևորությունը՝ կլիմայի փոփոխության ռիսկերի գնահատման, շրջակա միջավայրի պահպանության և բնական ռեսուրսների արդյունավետ օգտագործման բնագավառներում։
«Հայհիդրոմետ» ՊՈԱԿ-ի տնօրեն Լևոն Ազիզյանն էլ ներկայացրել է ՊՈԱԿ-ի 2023 թ․ գործունեության հիմնական արդյունքները և ձեռքբերումները։ Մասնագիտական տոների կապակցությամբ «Հայհիդրոմետ» ՊՈԱԿ-ի մի շարք աշխատակիցներ արժանացել են պատվոգրերի և շնորհակալագրերի։
Միջոցառումն ամփոփվեց ավելի վաղ հայտարարված «Կլիմայի փոփոխության դեմ պայքարի առաջնագծում» խորագրով մրցույթի հաղթող երեխաների պարգևատրմամբ։
ԿԱՐԴԱՑԵՔ ՆԱԵՎ
Թողնել մեկնաբանություն