Blog
In
other , eco-texnologianer
Telosa՝ ապագայի քաղաք
Posted on 12 Հոկտեմբերի, 2021
Ամերիկացի գործարար Մարկ Լորը, ով հատկապես հայտնի դարձավ այն բանից հետո, երբ 2016 թվականին իր Jet.com առցանց առևտրային կայքը 3,3 միլիարդ դոլարով վաճառեց Walmart-ին, հայտնել է չափազանց հավակնոտ նախագծի՝ «նոր դրախտային քաղաք» հիմնելու մտադրության մասին։ Ըստ Լորի, գաղափարն ամենևին ուտոպիստական չէ, այն ամբողջությամբ իրատեսական է և հիմնված է շրջակա միջավայրի պահպանության և ընդհանուր զարգացման սկզբունքների վրա: Ապագա քաղաքն արդեն ստացել է իր անվանումը՝ Telosa։
Գործարարը ցանկանում է կառուցել կապիտալիզմն առանց իր բնածին թերությունների՝ մի բան, որի մասին երազում էին Միացյալ Նահանգների հիմնադիր հայրերը, իսկ Եվրոպայից գաղթածները փորձում էին դա իրականացնել որոշ բնակավայրերում: Հիմնական խնդիրը հողատարածքների սեփականությունն է, քանի որ վերջիններիս արժեքն աստիճանաբար ավելի ու ավելի է բարձրանում՝ դրա վրա գտնվող քաղաքի մեծանալով պայմանավորված: Սա թույլ է տալիս հողատերերին ստանալ հսկայական շահույթ և առանց մեծ ջանքերի ազդել համայնքային կյանքի վրա, ինչը և հսկայական անհավասարություններ է ստեղծում նրանց և այլ բնակիչների միջև:
Telosa-ում ամենինչ այլ կլինի։ Հողատարածքների սեփականության նկատմամբ Լորի արմատական մոտեցումը ոգեշնչված է ամերիկացի տնտեսագետ, քաղաքական գործիչ Հենրի Ջորջի (1839-1897) «Առաջընթաց և աղքատություն» տրակտատից (Տրակտատն ուսումնասիրում է տնտեսական և տեխնոլոգիական առաջընթացի պայմաններում աճող անհավասարության և աղքատության պարադոքսը, բիզնեսի և արդյունաբերական տնտեսությունների բնույթը, ինչպես նաև վարձավճարների օգտագործումը (օրինակ, հողի արժեքի հարկը) և հակամենաշնորհային այլ բարեփոխումները): Ըստ Լորի, ամերիկյան ընտանեկան հարստության մեծ մասը ստեղծվել է պարզապես բախտի շնորհիվ, երբ «նրանց ձեռնափայտը խփել է գետնին ու ասել՝ այս հողն իմն է»։
Մարկ Լորի կողմից գնված 150 հազար հեկտար հողատարածքը, որի վրա էլ կառուցվելու է քաղաքը, կղեկավարի քաղաքային հիմնադրամը, որը հողակտորները վարձակալությամբ կտա և դրանից ստացված եկամուտը կհատկացնի քաղաքի կարիքները հոգալու համար: Առաջին փուլում ծախսերը կկազմեն մոտ 25 միլիարդ դոլար, քաղաքում բնակություն կհաստատեն 50.000 մարդ, սակայն մի քանի տարի անց բնակչությունը կաճի մինչև 5 միլիոն, իսկ քաղաքի բյուջեն կգերազանցի 400 միլիարդ դոլարը:
Telosa-ի բոլոր շենքերը էներգաարդյունավետ են լինելու՝ կունենան արևային վահանակներ, ջրի հավաքման և պասիվ օդորակման համակարգեր: Ճանապարհային տեղաշարժման համար կօգտագործվեն էլեկտրամեքենաներ և հեծանիվները, իսկ արագ տեղափոխումների համար կօգտագործվի օդային տաքսի: Քաղաքը հագեցած կլինի առաջադեմ տեխնոլոգիաներով և ավտոմատացված նորագույն տեխնիկայով։
Քաղաքի նախագիծը մշակվում է Bjarke Ingels Group-ի կողմից, իսկ շինարարությունը կսկսվի 2030 թվականին:
In
other , shrjaka-mijavayr
Մարդ-վայրի կենդանիներ կոնֆլիկտը՝ Շրջակա միջավայրի նախարարության ուշադրության կենտրոնում
Posted on 12 Հոկտեմբերի, 2021
Ի պատասխան վերջերս սոցիալական ցանցերում և լրատվամիջոցներում գորշ արջերի կողմից համայնքների բնակիչներին հասցրած վնասների վերաբերյալ հրապարակումների, հայտնում ենք, որ խնդիրը գտնվում է Շրջակա միջավայրի նախարարության ուշադրության կենտրոնում։ Տարվում են աշխատանքներ՝ հնարավոր լուծումներ գտնելու ուղղությամբ, իրականացնում են արջերի տարածվածության ու թվաքանակի հաշվառման, արջերի կողմից սպառնացող վտանգի գնահատման ուսումնասիրություններ։ Հիշեցնում ենք, որ Գորշ արջը (Ursus arctos) գրանցված է Հայաստանի Հանապետության կենդանիների «Կարմիր գրքում» և Բնության պահպանության միջազգային միության Կարմիր ցուցակի չափորոշիչներով գնահատվում է որպես «Խոցելի»։ Համաձայն «Կենդանական աշխարհի մասին» օրենքի 27-րդ հոդվածի՝ Հայաստանի Հանրապետության կենդանիների «Կարմիր գրքում» գրանցված վայրի կենդանիների օգտագործումը, այդ թվում` հայթայթումը, թույլատրվում է բացառիկ դեպքերում` գիտահետազոտական, ուսումնական, առողջապահական, ինչպես նաև արհեստական և բնական պայմաններում` դրանց վերարտադրության նպատակներով` կենդանական աշխարհի պահպանության, պաշտպանության, օգտագործման և վերարտադրության բնագավառում լիազորված պետական մարմնի թույլտվությամբ` Կառավարության սահմանած կարգով: Հայաստանի Հանրապետության կենդանիների «Կարմիր գրքում» գրանցված գորշ արջ սպանելու համար նախատեսված է պատասխանատվություն ՀՀ քրեական օրենսգրքով. տուգանք՝ նվազագույն աշխատավարձի 400-600-պատիկի չափով կամ կալանք՝ 2-3 ամիս ժամկետով՝ 1-ից 5 միլիոն դրամ վնասի վերականգնմամբ։
In
eco-energia , eco-texnologianer
Երևանի 40 շենք արդեն օգտվում է արևային էներգիայից
Posted on 12 Հոկտեմբերի, 2021
ԵՄ-ն Երևանի համար. Արևային համայնք» ծրագրի առաջին փուլում ներառված 43 բազմաբնակարան շենքերից 40-ում արդեն իսկ տեղադրվել են արևային ֆոտովոլտային կայաններ, անցկացվել են արտաքին և ներքին լուսավորության նոր համակարգեր, տեղադրվել լուսադիոդային լամպեր։ Նշենք, որ ծրագիրը ներառում է 90 շենք: Հայաստանում Եվրոպական Միության պատվիրակության և «Քաղաքապետերի դաշնագիր՝ հանուն կլիմայի և էներգիայի» նախաձեռնության աջակցող խմբի ներկայացուցիչներն այցելել են շենքեր և ծանոթացել կատարված աշխատանքներին, համակարգի արդյունավետությանն ու էներգախնայողության ցուցանիշներին: Նշվել է, որ մյուս շենքերում աշխատանքներն ընթացքի մեջ են: Հաջորդիվ կայացել է «ԵՄ-ն Երևանի համար. Արևային համայնք» ծրագրի համակարգող խորհրդի նիստը: Հանդիպման ընթացքում քննարկվել և ամփոփվել են իրականացված աշխատանքները, ծրագրի 2-րդ փուլի համար գնումների գործընթացի, ինչպես նաև կազմակերպչական մի շարք այլ հարցեր:
In
other , eco-aprelakerp , eco-snund
Եվրոպայում սննդի և ըմպելիքների ամենամեծ միջազգային ցուցահանդեսին 8 ընկերություններով մասնակցում է նաև Հայաստանը
Posted on 12 Հոկտեմբերի, 2021
Հոկտեմբերի 9-13-ը Գերմանիայի Դաշնային Հանրապետության Քյոլն քաղաքում տեղի է ունենում «Անուգա 2021» Եվրոպայում սննդի և ըմպելիքների ամենամեծ միջազգային ցուցահանդեսը։ Միասնական տաղավարով Հայաստանը ցուցահանդեսին ներկայանում է բուսական թեյերի արտադրության, չրարտադրության և պահածոների արտադրության ոլորտներում գործող ութ ընկերություններով։ Ցուցահանդեսին Հայաստանի մասնակցությունը հնարավոր է դարձել «Արևելյան գործընկերություն, առևտրի համար պատրաստ. ԵՄ-ն բիզնեսի համար նախաձեռնությունը» ծրագրի շրջանակում։ Ծրագիրն իրականացնում է Առևտրի միջազգային կենտրոնը Եվրոպական միության աջակցությամբ։
«Արևելյան գործընկերություն, առևտրի համար պատրաստ. ԵՄ-ն բիզնեսի համար (EU4Business) նախաձեռնություն» ծրագրի տարածած հաղորդագրության մեջ նշվում է, որ «Անուգա 2021»-ն ամենամեծ միջազգային հարթակն է կապերի հաստատման և վաճառքի խթանման համար, որին հայաստանյան ընկերությունները ներկայացված են պանդեմիայի սկսելուց հետո։ Ցուցահանդեսին մասնակցությունը նպաստում է տեղական արտադրության առաջխաղացմանը, ինչպես նաև՝ արտահանման ծավալների և աշխարհագրության ընդլայնմանը։
«Անուգա 2021»-ը հնարավորություն է տալիս սննդամթերքի վերամշակմամբ զբաղվող հայաստանյան ընկերություններին ուսումնասիրել և ապա ներդնել միջազգային լավագույն փորձն ու վերջին միտումները՝ արտադրությունից մինչև փաթեթավորում, ինչպես նաև ձեռք բերել նոր գործընկերային կապեր արտահանումը խթանելու համար։
«Նման առաջատար ցուցահանդեսներին մասնակցությունը կարևոր է հատկապես ներկայիս պայմաններում, երբ պանդեմիայի պատճառով ընկերությունները մեկուկես տարի զրկված են եղել գործընկերների և գնորդների հետ կենդանի շփման հնարավորությունից։ «Անուգա 2021»-ին մասնակցությունը նպաստում է, որ հայաստանյան ընկերությունների արտադրանքը դառնա առավել մրցունակ արտաքին շուկաների համար, և նոր ուղիներ բացվեն արտահանման համար», - նշել է Հայաստանում ԵՄ-ն բիզնեսի համար նախաձեռնության (EU4Business) շրջանակում իրականացվող «Առևտրի համար պատրաստ» ծրագրի ղեկավար Կարեն Գևորգյանը։
Ըստ հաղորդագրության՝ ցուցահանդեսների վերսկսելուց հետո «Անուգա 2021»-ն ամենամեծն է Եվրոպայում մասնակից ընկերությունների թվով և տարածքի մեծությամբ։ Այս տարի ցուցահանդեսին մասնակցում են ավելի քան 4000 ընկերություններ աշխարհի 94 երկրներից։
In
other , shrjaka-mijavayr
Հունվարի 1-ից կարգելվի մինչև 50 միկրոն հաստության պոլիէթիլենային տոպրակների վաճառքը
Posted on 12 Հոկտեմբերի, 2021
«Առևտրի և ծառայությունների մասին» օրենքի համաձայն՝ 2022 թվականի հունվարի 1-ից կարգելվի մինչև 50 միկրոն հաստության պոլիէթիլենային տոպրակների վաճառքը, ինչպես նաև դրանց անվճար տրամադրումը՝ առևտրի օբյեկտներում, առևտրի իրականացման վայրերում, շրջիկ առևտրի կետերում, շրջածախ առևտրի կետերում, ինչպես նաև բացօթյա առևտուր իրականացնելիս։ Արգելքը չի վերաբերում՝ կշռափաթեթավորման համար նախատեսված տոպրակներին երկրորդային հումքից արտադրված տոպրակներին։ Սա կարելի է դիտարկել որպես առաջին և կարևորագույն քայլ ուղղված շրջակա միջավայրի և մարդու առողջության վրա բացասական ազդեցություն ունեցող այդ ապրանքատեսակի ծավալների կրճատմանը։
In
other , shrjaka-mijavayr , eco-mshakuyt
Կովկասյան կենսաբազմազանության ապաստարանը (CWR) նշում է իր 10-ամյակը
Posted on 12 Հոկտեմբերի, 2021
Այս տարի՝ 2021թ․-ին Հարավային Կովկասում առաջին մասնավոր պահպանվող տարածքը՝ Կովկասյան կենսաբազմազանության ապաստարանը (CWR) նշում է իր ստեղծման 10-ամյակը։ CWR-ը ստեղծվել և կառավարվում է Վայրի բնության մշակութային արժեքների պահպանման հիմնադրամի (FPWC) կողմից։ Հիմնադրամը 2010թ․-ին ստեղծելով CWR-ը նպատակադրել է պահպանել տարածաշրջանի հազվագյուտ ու էնդեմիկ կենսաբազմազանությունը, նպաստել Հայաստանում կենսաբազմազանության պահպանման առավել արդյունավետ կառավարմանը, բարելավել կենդանական և բուսական աշխարհի պահպանությունը ԲՀՊՏ-ներին կից բուֆերային գոտիներում ու կենդանական աշխարհի միգրացիոն միջանցքներում՝ միևնույն ժամանակ նպաստելով հարակից համայնքների սոցիալ-տնտեսական զարգացմանը։
[gallery columns="5" link="file" ids="6449,6450,6451,6452,6453,6454,6455,6456,6457,6458"]
Այս տարվա հոկտեմբերի 8-ին Ուրցաձոր համայնքում գտնվող Կովկասյան կենսաբազմազանության ապաստարանի էկո-կենտրոնում տեղի ունեցավ Ապաստարանի 10-ամյակին նվիրված միջոցառումը, որին ներկա են գտնվել FPWC հիմնադիր Ռուբեն Խաչատրյանը, Վիվա-ՄՏՍ-ի գլխավոր տնօրեն Ռալֆ Յիրիկյանը, Արարատի մարզպետ Ռազմիկ Թևոնյանը, «Մխիթար Սեբաստացի» կրթահամալիրի ղեկավար Աշոտ Բլեյանը, FPWC խորհրդի անդամներ Հարություն Խաչատրյանը, Գագիկ Գինոսյանը, Միքայել Դովլաթյանը, Արցախի բնության հիմնադրամի հիմնադիր Վազգեն Միքայելյանը և բազմաթիվ այլ պատվավոր հյուրեր։ Միջոցառման ընթացքում ցուցադրվել է CWR 10-ամյա աշխատանքի մասին պատմող կարճ ֆիլմը, հյուրերը հանդես են եկել ելույթներով, ինչից հետո Ոսկե ծիրան միջազգային կինոփառատոնի հետ համատեղ ցուցադրվել է նաև Վիկտոր Կոսակովսկու «Գունդա» ֆիլմը։
[gallery link="file" columns="5" ids="6459,6460,6461,6462,6463,6464,6465,6466,6467,6468"]
FPWC հիմնադիր Ռուբեն Խաչատրյանն ասել է․ «Արդեն 10 տարի է, ինչ մենք հիմնել ենք Կովկասյան կենսաբազմազանության ապաստարանը։ Մենք սկսել ենք 300 հեկտարից, իսկ այժմ այն արդեն 30 000 հա տարածք է զբաղեցնում և այս ամենը շնորհիվ նաև մեր գործընկերների աջակցության՝ IUCN Netherlands, World Land Trust, Artis Amsterdam Royal Zoo, Վիվա-ՄՏՍ, ինչպես նաև բազմաթիվ այլ աջակիցներ, որոնք նաև մեզ տարբեր մրցանակներ են շնորհել այս տարիների ընթացքում, ինչպիսին է՝ Frankfurt Conservation Award-ը։ Ուզում եմ շնորհակալություն հայտնել նաև իմ թիմին, որն ամուր կանգնած է իմ և մեր բոլոր ծրագրերի կողքին, բոլոր անտառապահներին, շնորհակալ եմ նաև պետական կառույցներին՝ Շրջակա միջավայրի նախարարությունը, որը մեզ ոսկե մեդալով է պարգևատրել։ Շնորհակալ եմ մեր բոլոր գործընկերներին, որոնք կանգնած եմ մեր կողքին ու ուժեղ են դարձրել մեզ»։
[gallery columns="5" link="file" ids="6469,6470,6471,6472,6473,6474,6475,6476,6477,6478"]
Ողջույնի խոսքով հանդես է եկել նաև Վիվա-ՄՏՍ-ի գլխավոր տնօրեն Ռալֆ Յիրիկյանը։ Վերջինս կանգնած է եղել CWR ստեղծման ակունքներում և մշտապես աջակցել է բնության պահպանությանը։«Երբ առաջին անգամ այս տարածք եկանք, այստեղ ոչինչ չկար: Ամեն ինչ տափաստան էր հիշեցնում. սակավաջուր և առանց բուսականության հողակտոր, որտեղ ծառ աճեցնելու միտքն անգամ համարձակություն էր պահանջում: Մեծ համառություն և հետևողականություն էր հարկավոր՝ նախագիծն սկսելու և իրագործելու համար: Կյանքն ապացուցում է, որ երբ կա նպատակ և բավարար կամք, հաջողության կարելի է հասնել: Ուրախ եմ արձանագրել, որ տարիներ մեր գործընկերությունն արդյունք տվեց: Այժմ սա հատուկ պահպանվող տարածք է: Ավելին՝ երիտասարդ սերունդը հենց բնական միջավայրի ուսումնասիրության արդյունքում՝ ստանում է էկոկրթություն և սովորում բնության հետ ներդաշնակ ապրելու արվեստը: Սա բոլորիս հաջողությունն է»,- ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:Շուրջ 30․000 հա զբաղեցնող CWR և հարակից տարածքներն առանցքային նշանակություն ունեն հարավկովկասյան կենսաբազմազանության պահպանման գործում:
[gallery link="file" columns="5" ids="6495,6486,6489,6490,6487,6494,6491,6493,6492,6485,6484,6483,6482,6496,6497"]
Կովկասյան կենսաբազմազանության ապաստարանը հանդիսանում է մասնավոր պահպանվող գոտի, որտեղ անթույլատրելի է որսը, ինչպես նաև՝ բնության հանդեպ ցանկացած ապօրինություն։ Տարածքը մշտապես գտնվում է անտառապահների ու տեսախցիկների անմիջական ուշադրության և հսկողության ներքո։ Այս է պատճառը, որ CWR տարածքում կարելի է հանդիպել տարատեսակ հազվագյուտ կենդանատեսակների, ինչպիսին են՝ կովկասյան հովազը, բեզոարյան այծերը, գորշ արջերը, մորուքավոր և սև անգղերը, քարարծիվները, սպիտակագլուխ անգղերը, երկարաոտն սցինկը և այլ հազվագյուտ կենդանատեսակներ:Միջոցառման ընթացքում Հիմնադրամի թիմը ներկայացրել է CWR-ի գոյության 10 տարիների աշխատանքի արդյունքում գրանցված ձեռքբերումներն ու հետագա զարգացման քայլերը։ Միջոցառման ընթացքում ներկայացվել է ևս մեկ կարևոր իրադարձություն․ բոլորովին վերջերս՝ 2021թ․-ի սեպտեմբեր ամսին, CWR տարածքում տեղադրված թակարդ տեսախցիկները ֆիքսել են Նովա անունով հովազին, որն ամենայն հավանականությամբ էգ է։ Այս վարկածը ամրապնդվում է նրանով, որ Խոսրովի անտառ պետական արգելոցում և հարակից տարածքներում արդեն իսկ բնակվում է Նեո անունով հովազը, որն արու է, ուստի նոր հովազը՝ Նովան, հավանաբար եկել է ընկերակցելու Նեոյին։ Սա մեծ ձեռքբերում է Հայաստանի բնաշխարհի և կենդանական աշխարհի պահպանման գործում։Կովկասյան կենսաբազմազանության ապաստարանի ստեղծման ու կայացման ողջ ընթացքում Վայրի բնության և մշակութային արժեքների պահպանման հիմնադրամին աջակցել է հիմնադրամի գլխավոր գործընկերը՝ Վիվա-ՄՏՍ-ը։CWR ստեղծման ու կառավարման գործում Հիմնադրամն ունի նաև միջազգային հավատարիմ գործընկերներ, որոնց աջակցությունն անխոս նպաստել է գաղափարի իրականություն դառնալուն։ Դրանք են՝ World Land Trust-ը, US Forest Service-ը, IUCN Netherlands-ը, International Animal Rescue և բազմաթիվ այլ կազմակերպություններ։Միջոցառման կայացմանն աջակցել է նաև «Վայն ֆորմուլա» ՍՊԸ-ն «Հովազ» հայկական գինիներով։ Ի դեպ, ապագա սերունդների համար շրջակա միջավայրը պահպանելու նպատակով «Վայն ֆորմուլայի» թիմը «Հովազ» գինիների վաճառքի շահույթի 10%-ը կհատկացնի կովկասյան ընձառյուծի պահպանմանը:
Լուսանկարները՝ Դավիթ Մակիչյան և Կարեն Գրիգորյան
Այս տարի՝ 2021թ․-ին Հարավային Կովկասում առաջին մասնավոր պահպանվող տարածքը՝ Կովկասյան կենսաբազմազանության ապաստարանը (CWR) նշում է իր ստեղծման 10-ամյակը։ CWR-ը ստեղծվել և կառավարվում է Վայրի բնության մշակութային արժեքների պահպանման հիմնադրամի (FPWC) կողմից։ Հիմնադրամը 2010թ․-ին ստեղծելով CWR-ը նպատակադրել է պահպանել տարածաշրջանի հազվագյուտ ու էնդեմիկ կենսաբազմազանությունը, նպաստել Հայաստանում կենսաբազմազանության պահպանման առավել արդյունավետ կառավարմանը, բարելավել կենդանական և բուսական աշխարհի պահպանությունը ԲՀՊՏ-ներին կից բուֆերային գոտիներում ու կենդանական աշխարհի միգրացիոն միջանցքներում՝ միևնույն ժամանակ նպաստելով հարակից համայնքների սոցիալ-տնտեսական զարգացմանը։
Այս տարվա հոկտեմբերի 8-ին Ուրցաձոր համայնքում գտնվող Կովկասյան կենսաբազմազանության ապաստարանի էկո-կենտրոնում տեղի ունեցավ Ապաստարանի 10-ամյակին նվիրված միջոցառումը, որին ներկա են գտնվել FPWC հիմնադիր Ռուբեն Խաչատրյանը, Վիվա-ՄՏՍ-ի գլխավոր տնօրեն Ռալֆ Յիրիկյանը, Արարատի մարզպետ Ռազմիկ Թևոնյանը, «Մխիթար Սեբաստացի» կրթահամալիրի ղեկավար Աշոտ Բլեյանը, FPWC խորհրդի անդամներ Հարություն Խաչատրյանը, Գագիկ Գինոսյանը, Միքայել Դովլաթյանը, Արցախի բնության հիմնադրամի հիմնադիր Վազգեն Միքայելյանը և բազմաթիվ այլ պատվավոր հյուրեր։ Միջոցառման ընթացքում ցուցադրվել է CWR 10-ամյա աշխատանքի մասին պատմող կարճ ֆիլմը, հյուրերը հանդես են եկել ելույթներով, ինչից հետո Ոսկե ծիրան միջազգային կինոփառատոնի հետ համատեղ ցուցադրվել է նաև Վիկտոր Կոսակովսկու «Գունդա» ֆիլմը։
[gallery columns="5" link="file" ids="6449,6450,6451,6452,6453,6454,6455,6456,6457,6458"]
[gallery link="file" columns="5" ids="6459,6460,6461,6462,6463,6464,6465,6466,6467,6468"]
FPWC հիմնադիր Ռուբեն Խաչատրյանն ասել է․ «Արդեն 10 տարի է, ինչ մենք հիմնել ենք Կովկասյան կենսաբազմազանության ապաստարանը։ Մենք սկսել ենք 300 հեկտարից, իսկ այժմ այն արդեն 30 000 հա տարածք է զբաղեցնում և այս ամենը շնորհիվ նաև մեր գործընկերների աջակցության՝ IUCN Netherlands, World Land Trust, Artis Amsterdam Royal Zoo, Վիվա-ՄՏՍ, ինչպես նաև բազմաթիվ այլ աջակիցներ, որոնք նաև մեզ տարբեր մրցանակներ են շնորհել այս տարիների ընթացքում, ինչպիսին է՝ Frankfurt Conservation Award-ը։ Ուզում եմ շնորհակալություն հայտնել նաև իմ թիմին, որն ամուր կանգնած է իմ և մեր բոլոր ծրագրերի կողքին, բոլոր անտառապահներին, շնորհակալ եմ նաև պետական կառույցներին՝ Շրջակա միջավայրի նախարարությունը, որը մեզ ոսկե մեդալով է պարգևատրել։ Շնորհակալ եմ մեր բոլոր գործընկերներին, որոնք կանգնած եմ մեր կողքին ու ուժեղ են դարձրել մեզ»։
[gallery columns="5" link="file" ids="6469,6470,6471,6472,6473,6474,6475,6476,6477,6478"]
In
other , shrjaka-mijavayr
314 հազար եվրո CNF-ի կողմից՝ բնության հատուկ պահպանվող տարածքներին
Posted on 8 Հոկտեմբերի, 2021
ՀՀ Շրջակա միջավայրի նախարարության կազմում գտնվող 4 ՊՈԱԿ-ներ Կովկասի բնության հիմնադրամի /CNF/ կողմից ստացել են 2021 թ. ֆինանսական տարվա համար նախատեսված գումարային երկրորդ փոխանցումները, որոնք, ընդհանուր առմամբ, կազմել են 314.661 հազար եվրո։ Նշված գումարից 127.5 հազար եվրո հատկացվել է «Զանգեզուր» կենսոլորտային համալիրին, 76.975 հազար եվրո՝ «Խոսրովի անտառ» պետական արգելոցին, 81.222 հազար եվրո՝ «Դիլիջան» ազգային պարկին, 28.964 հազար եվրո՝ «Արփի լիճ» ազգային պարկին։ 2021 թվականի տարեսկզբին CNF-ի կողմից նշված 4 ՊՈԱԿ-ներին փոխանցվել էին առաջին գումարային հատկացումները՝ շուրջ 320 հազար եվրո։ Նշենք, որ հատկացված գումարներով պետբյուջեի հետ համաֆինանսավորվում են ՊՈԱԿ-ների ընթացիկ ծախսերը,որոնք ապահովում են կառույցների արդյունավետ աշխատանքը:
In
other , eco-aprelakerp , shrjaka-mijavayr
ԲԱՑՎԵԼ Է ԱՂԲԻ ԱՌԱՋԻՆ ԱՌՑԱՆՑ ԽԱՆՈՒԹԸ ՌԴ-ՈՒՄ
Posted on 5 Հոկտեմբերի, 2021
Այստեղ կարելի է գնել աղբի լայն տեսականի: Վիրտուալ ցուցափեղկում ներկայացված է 20 անուն ապրանք՝ 10 տեսակի պլաստիկ, սև և գունավոր մետաղներ, թուղթ և ապակի: Վերամշակման ենթակա նյութերը մաքրվում են կեղտից, սեղմվում են աղյուսների տեսքով և պատրաստ են առաքվելու գնորդին,- հայտնում է «Российская газета»-ն:
Սա կարծես տրամաբանական լուծում լինի թափոնների վերամշակման ձեռնարկությունների ծանրաբեռնվածության պակասի լուծման համար: Վաճառողի և սպառողի համար սա բիզնես է, իսկ հասարակության համար՝ դրական իրադարձություն:
Նման «խանութի» պոտենցիալ գնորդները փոքր վերամշակող ընկերություններն են, որոնք անհրաժեշտ քանակության բացակայության պատճառով չեն կարող ինքնուրույն հավաքել վերամշակելի թափոններ:
Իսկ մեր կանաչ առցանց խանութ Green Shop 4eco-ում կարող եք գտնել բնահամապատասխան (eco-friendly) մի շարք իրեր ԲԱՑԻ ԱՂԲԻՑ:
Աղբյուրը՝ Էկո Աղբ ՀԿ
Թարգմանությունը՝ Շաքե Հակոբյանի
Լուսանկարը՝ РИА Новости-ի
In
other , shrjaka-mijavayr
Ընդունվում են հայտեր «Կամավորություն հանուն բնության» կարճաժամկետ կամավորական նախագծեր իրականացնելու համար
Posted on 5 Հոկտեմբերի, 2021
ՀՀ Շրջակա միջավայրի նախարարությունը և «Կենսաբանների հայկական միություն» ՀԿ-ն «Կամավորություն հանուն բնության» ծրագրի շրջանակներում հայտարարում են ՀՀ բնության հատուկ պահպանվող տարածքներում կարճաժամկետ կամավորական նախագծերի մեկնարկի մասին: Այն անձինք ովքեր ցանկանում են որպես կամավորներ ներգրավվել բնության հատուկ պահպանվող տարածքներում իրականացվող աշխատանքներին պետք է կազմեն 1-2 շաբաթ տևողությամբ կամավորական նախագծեր և ներկայացնեն հայտադիմումը ստորև հղումով։ Նախագծերը պետք է միտված լինեն բնության հատուկ պահպանվող տարածքների (ԲՀՊՏ) կարողությունների հզորացմանը: Առաջնահերթություն է տրվելու գիտական հետազոտություններին (բուսաբանական, կենդանաբանական, անտառագիտական, ջրաբանական և այլն), էկոկրթական ու էկոտուրիզմի զարգացման միջոցառումներին, արվեստի միջոցով բնության վերաբերյալ հանրային իրազեկման, շուկայավարման, տեղեկատվական տեխնոլոգիաների և այլ նախագծերի, որոնք կաջակցեն ԲՀՊՏ-ների գործունեությանը: Կամավորական նախագծերի տևողությունը՝ 1-2 շաբաթ, իրականացման ժամանակահատվածը` ս/թ հոկտեմբերի 25-ից մինչև նոյեմբերի 30-ը: Կազմակերպիչները հոգում են կամավորների կեցության, սննդի և տեղափոխության հետ կապված բոլոր ծախսերը: Կամավորական նախագծերը հնարավոր է իրականացնել հետևյալ ԲՀՊՏ-ներում՝ «Արփի լիճ» ազգային պարկ, «Դիլիջան» ազգային պարկ, «Արգելոցապարկային համալիր» ՊՈԱԿ-ի ենթակայության տակ գտնվող «Սոճուտ» դենդրոպարկ, «Ջրվեժ» անտառպարկ, «Որդան կարմիր» պետական արգելավայր, ինչպես նաև «Սևան» ազգային պարկ և «Զանգեզուր կենսոլորտային համալիր» ՊՈԱԿ, որը ներառում է «Շիկահող» պետական արգելոցը, «Արևիք» ազգային պարկը, «Սոսու պուրակ», «Բողաքար», «Սև լիճ», «Զանգեզուր» և «Խուստուփ» պետական արգելավայրերը: Կամավորական նախագիծ ներկայացնելու համար անհրաժեշտ է մինչև ս/թ հոկտեմբերի 15-ը լրացնել հայտադիմումը հետևյալ հղումով՝ https://forms.gle/Jx92DJTa1VHCwAGn8. «Կենսաբանների հայկական միություն» հասարակական կազմակերպությունը, ՀՀ-ում ԱՄՆ դեսպանատան շրջանավարտների փոքր դրամաշնորհների ծրագրի շրջանակներում, իրականացնում է «Կամավորություն հանուն բնության» ծրագիրը, որի նպատակն է զարգացնել կամավորության մշակույթը բնապահպանական կազմակերպություններում, այդ թվում՝ բնության հատուկ պահպանվող տարածքներում և անտառային տնտեսություններում: Ծրագիրը միտված է աջակցելու կամավորների հավաքագրմամբ զբաղվող կազմակերպությունների ու բնապահպանական կառույցների միջև կապի սերտացմանը:
In
other , eco-energia , shrjaka-mijavayr , eco-texnologianer
Գենետիկայի արդիական խնդիրներն ու էկոգենետիկ ուսումնասիրությունները քննարկվեց ՀՀ ԳԱԱ-ում
Posted on 4 Հոկտեմբերի, 2021
