Երևանի քաղաքապետարանը օրերս ներկայացրել է 2020 թվականին կատարած աշխատանքների կարճ հաշվետվությունը.

Աղբահանություն և ձնամաքրում 

– Կառուցվել է աղբահանության և սանմաքրման համայնքային պարկը

– 112 միավոր տեխնիկայից 51-ը օգտագործվում է ձնամաքրման աշխատանքներում

– Մեկնարկել է թափոնների տեսակավորման գործընթացը

Տրանսպորտ

– Համայնքի միջոցներով ձեռք են բերվել 100 կոմպակտ ավտոբուսներ։ Նոր ավտոբուսների գնումը կշարունակվի 2021 թվականին։

– Կառուցվել է ավտոբուսների նոր պարկը

Անվտանգ երթևեկություն

– Լուսավորվել է 100 հետիոտնային անցում, 18 անցում կահավորվել է «հետիոտնի կանչ» ռեժիմով

– Վերականգնվել է քաղաքային գրեթե բոլոր թունելների լուսավորությունը

– Նոր LED լուսատուներով է փոխարինվում գիշերային լուսավորության ցանցը

Առողջապահություն

– Պոլիկլինիկաները վերազինվում են ժամանակակից սարքավորումներով

– 1980-ականներից առաջին անգամ վերանորոգվել են Շտապօգնության բոլոր կայանները

Կանաչապատում

– Տնկվել է 212 հազար թուփ

– Վերականգնվել է 6300 գծամետր ջրագիծ, անց է կացվել 4300 գծամետր նոր ջրագիծ

– Ձեռք են բերվել բույսերի խնամքի նոր սարքավորումներ

Մշակույթ

– Համայնքային թատրոնները վերանորոգվում են և վերազինվում

Նոր վերելակներ

– 2020-ին փոխարինվեց 500 վերելակ

Շինարարություն և բարեկարգում

– Հիմնանորոգվել է 12 մանկապարտեզ, ևս 15-ը նորոգվում է

– Բարեկարգվել է 65 բակ

– Կառուցվել է Թափառող կենդանիների վնասազերծման կենտրոնի նոր շենքը

– Բարեկարգվում են քաղաքի այգիները (Օղակաձև զբոսայգու 6-րդ հատված, Սարյանի անվան պուրակը, 16-րդ շղթայի այգին, Քանաքեռ ՀԷԿ-ի այգին)

– Շարունակվում է շրջանցիկ ճանապարհի և կամրջի կառուցումը

COVID-19 և պատերազմ

– Անվճար նմուշառումներ և թեստավորում 12 պոլիկլինիկաներում

– Սոցաջակցություն՝ միայնակ կենսաթոշակառուներին

– Վարչական շրջաններում կազմակերպվում էր դեպի Արցախ օգնության առաքումը

– 200 մլն դրամ՝ Ստեփանակերտին

– Քաղաքային ավտոբուսներով կազմակերպվեց արցախաբնակների վերադարձը տուն