ՃԻՇՏ ՔՆԵԼՈՒ 17 ԽՈՐՀՈՒՐԴ

Նախորդ հրապարակման մեջ արդեն խոսել ենք առողջ ապրելակերպի կարևոր բաղադրիչ հանդիսացող հանգիստ ու բավարար քնի մասին։ Այսօր ձեզ ենք առաջարկում ճիշտ քնելու 17 կանոն, որոնցից գոնե մի քանիսին հետեւելով ձեր հանգիստ ու բավարար քունն ապահովված կլինեք։

1. Եթե քնել եք ուզում, անմիջապես պառկեք: Հաղթահարելով քունը եւ մնալով արթուն` փարատում եք այն, որից հետո դժվարությամբ եք ննջում, իսկ առավոտյան հոգնածություն եք զգում:

2. Խուսափե՛ք երեկոյան օգտագործել սուրճ, թեյ, ալկոհոլ եւ ծխախոտ: Դրանք գրգռում են նյարդային համակարգը եւ խանգարում քնելուն:

3. Քնելու համար ընտրեք առավել խաղաղ սենյակ: Քնած ժամանակ մենք եւս ենթարկվում ենք շրջապատի աղմկի ազդեցությանը, որը թեեւ մեզ չի արթնացնում, բայց խանգարում է քնի ռիթմը: Եթե ապրում եք աղմկոտ փողոցում, քնելուց առաջ ականջների մեջ մի փոքր բամբակ դրեք:

4. Առողջ քնի համար անհրաժեշտ է, որպեսզի ննջասենյակը լինի մութ: Եթե դա ձեզ չի հաջողվում, կարող եք օգտվել աչքերին դրվող թեթեւ ժապավենից:

5. Մարմինն ազատ շնչելու համար քնեք միայն թեթեւ գիշերային հագուստով, որի մեջ մարմինը պետք է լինի բացարձակապես ազատ:

6. Քնեք ցածր բարձի վրա` պարանոցի կնճիռներից եւ կրկնակզակից խուսափելու համար:

7. Քնի վրա ազդում է նաեւ մահճակալի վրա պառկած դիրքը: Մարդու մարմինը ներկայացնում է մագնիսական դաշտ եւ պետք է ուղղված լինի երկրի մագնիսական դաշտի ուղղությամբ` գլուխը դեպի հյուսիս, իսկ ոտքերը` հարավ:

8. Քնելիս շնչառությունը նույնպես շատ կարեւոր է, այն կախված է մարդու պառկած դիրքից:

9. Քունն առավել հաջող է մեջքի վրա պառկած, ձեռքերը կողքերին տարածած դիրքում: Հաջող է համարվում նաեւ աջ կողքին պառկած, ձեռքը բարձի տակ, ձախը` մեջքին գցած դիրքը:

10. Ձախ կողքին եւ փորի վրա քնելը համարվում է քնի անհաջող դիրքեր, քանի որ դժվարացնում է շնչառությունը եւ սրտի աշխատանքը:

11. Ի վերջո, քնե՛ք այնպես, ինչպես ձեզ է հարմար, սակայն, մի՛ մոռացեք, որ մարմնի բոլոր մկանները պետք է լինեն թուլացած:

12. Լավ քնելու համար հրաշալի միջոց է քնից առաջ կեսժամյա զբոսանքը:

13. Հանգիստ եւ լավ քնի համար մահճակալը պետք է լինի երկար եւ լայն, ոչ այնքան չոր, բայց նաեւ ոչ այնքան փափուկ: Հատկապես վնասակար է քնել զսպանակավոր ներքնակի վրա, որը մարմնին տալիս է թեթեւակի անկյուն եւ քնելու ժամանկ խանգարվում է արյան շրջանառությունը:

14. Եթե շաբաթվա ընթացքում ժամանակ չի եղել բավարար քնի համար, այդ դեպքում շաբաթ կամ կիրակի օրերին աշխատեք 1-2 ժամ հատկացնել հետճաշյա քնին, որը ձեզ լիովին վարձահատույց կլինի առողջությամբ եւ գեղեցկությամբ:

15. Անքնության դեպքում կարիք չկա անմիջապես դիմել քնաբեր դեղամիջոցների, քանի որ դրանց հաճախակի օգտագործումը գցում է կախվածության մեջ եւ անընդհատ ավելանում է դրանց չափաքանակը, որը սակայն չի ապահովում իսկական առողջ քուն, այլ` միայն ներկայացնում է նարկոզի տեսակ, որի դեպքում բացակայում է նորմալ քնի վերականգնողական հատկությունը:

16. Քնաբեր դեղամիջոցների փոխարեն կարող եք երեկոյան քնելուց առաջ խմել մեկ բաժակ թարմ կաթ` մեկ գդալ մեղրով: Շատ լավ քնաբեր ազդեցություն ունի գայլուկասերմից պատրաստված թեյը. 3 ճաշի գդալ գայլուկասերմը թրջեք 2 բաժակ եռման ջրով, թողեք 5 րոպե, քամեք, քաղցրացրեք եւ խմեք տաք վիճակում:

17. Եթե մինչեւ քնելու վերջին վայրկյանը ձեր ուղեղն աշխատում է ամբողջ հզորությամբ, մի սպասեք արագ եւ հեշտ քնելուն: Առողջ քուն ունենալու համար պետք է տիրապետել օրվա վերջին մտավոր գործունեության ինտենսիվությունը աստիճանաբար նվազեցնելու արվեստին: