Հունիսի 6-12-ը Սևանա լճի հիդրոլոգիական ռեժիմում փոփոխություն է նկատվել, այդ մասին  տեղեկանում ենք Հիդրոօդերևութաբանության և մոնիթորինգի կենտրոնից։

Սևանա լճի մակարդակը հունիսի 6-12-ն ընկած ժամանակահատվածում բարձրացել է 3սմ-ով և կազմել` 1900.76մ (12.06.22թ.), որն անցյալ տարվա նույն օրվա մակարդակից ցածր է 12սմ-ով, իսկ 2022 թվականի հունվարի 1-ի մակարդակից բարձր է 33սմ-ով։

Ոռոգման նպատակով՝ Սևանա լճից իրականացված ջրառի չափաքանակը հունիսի 6-12-ն ընկած ժամանակահատվածում կազմել է 7.830մլն. մ³, իսկ ընդհանուր ջրառի չափաքանակը՝ հունիսի 3-ից հունիսի 12-ը ներառյալ՝ 9.738մլն. մ³:

Արփա-Սևան ջրատարով հունիսի 6-12-ն ընկած ժամանակահատվածում Սևանա լիճ տեղափոխված ջրի քանակը կազմել է 9.256մլն. մ³, իսկ 2022 թվականի հունվարի 1-ից հունիսի 12-ը ներառյալ՝ 134.130մլն. մ³: