Մարտի 25 և 26-ին ժամը 10։00-18։00 Երևանի բուսաբանական այգու արևադարձային և մերձարևադարձայի բույսերի ջերմոցում տեղի կունենա Խոլորձների երկրորդ հայաստանյան ցուցահանդեսը։
Ցուցահանդեսի ընթացքում կցուցադրվեն էկզոտիկ խոլորձներ, որոնք կներկայացնեն հենց աճեցնողները, ում հետ այցելուները հնարավորություն կունենան ծանոթանալու և ուղղելու իրենց հարցերը։ Իսկ մասնակիցները կպատմեն իրենց բույսերի, սիրելի հոբբիի մասին, մանրամասնորեն կներկայացնեն իրենց հավաքածուները։
Ցուցահանդեսը անվճար է, սակայն մասնակիցները անհրաժեշտ է վճարեն Երևանի բուսաբանական այգու տոմսերի արժեքը (500 դրամ)։
Հիշեցնենք, որ նախորդ տարի Հայաստանում առաջին անգամ Խոլորձների ցուցահանդեսը տեղի ունեցավ Orchid Gallery-ի ծաղկի սրահում։
Թողնել մեկնաբանություն