Ավելորդ քաշի նվազման բարդ ճանապարը հաղթահարած անձանց 95 տոկոսը կրկին քաշ հավաքելու հակում ունի։ Թյուր կարծիք կա, թե գիրությունը գենետիկական խնդիր է։ Պարզապես նրանք, ովքեր արդեն նիհարել են, հաճախ ի վիճակի չեն վարել առողջ կենսակերպ և պահպանել ցածր կալորիականությամբ սննդի ընդունում, ինչը և հանգեցնում է գիրության։ Ուստի և կամքի ուժը և հաջողության վստահությունը կօգնեն ձեզ բարեկազմ լինել։

Eco.am-ն առաջարկում է մի քանի կանոններ, որոնց կիրառության դեպքում կօգնեք ձեր օրգանիզմին ճիշտ նյութափոխանակության և քաշի նվազման հարցում։

1․ Ուտել սահմանափակ քանակով։

2․ Չի կարելի նախապատվությունը տալ մեկ համին, սնունդը պետք է պարունակի բոլոր 6 համերը․

Ա․ Քաղցր- շաքար, քաղցր մրգեր, հաց և մակարոն, կաթնամթերքներ։

Բ․ Դառը- Կանաչիների մի քանի տեսակներ, սպանախ, թունդ կանաչ և սև թեյ։

Գ․ Աղի –  Ամենատարբեր թթուներ։

Դ․ Տտիպ– Խուրմա, լոբազգիներ, նուռ։

Ե․ Այրող – չիլի պղպեղ, մանանեխ, իմբիր։

Զ․ Թթու– կաթնաթթվային մթերքներ, ցիտրուսային մրգեր։

3․ Անհրաժեշտ է չափավորել կենդանական յուղերի, շաքարի, վառված հացի, ալկոհոլի օգտագործումը։ Նախապատվությունը տվեք գորշագույն բրնձին, եգիպտացորենին։

4․ Յուրաքանչյուր սնունդ իր մեջ անպայման պետք է սպիտակուցներ պարունակի։

Չի՛ կարելի երկար ժամանակ հրաժարվել․

Ա․ ձվից

Բ․ կաթնաշոռից

Գ․ եփած թռչնամսից և մսի մյուս տեսակներից

5․ Ուտելու ընթացքում չի՛ կարելի բարկանալ, ուտելուց հետո ևս։ Հաճելի երաժշտության ներքո սնվելը դրական է ազդում մարսողության վրա։ Ինչպես ժողովրդական ասացվածքն է ասում․ «Ստամոքսը սիրում է ուրախութուն, իսկ փայծաղը՝ երաժշտության հնչյուններ»։

6․ Ուտելուց անմիջապես հետո օգտակար է որովայնի շրջանում ժամացույցի սլաքի ուղղությամբ մերսման շարժումներ անել։

7․ Ուտելուց հետո մաքուր օդում զբոսանքը բարենպաստ ազդեցություն է ունենում։