Երբ լինեք Վանաձորում, անպայման այցելե՛ք Վանաձորի բուսաբանական այգի

https://eco.am/%d5%a5%d6%80%d5%a2-%d5%ac%d5%ab%d5%b6%d5%a5%d6%84-%d5%be%d5%a1%d5%b6%d5%a1%d5%b1%d5%b8%d6%80%d5%b8%d6%82%d5%b4-%d5%a1%d5%b6%d5%ba%d5%a1%d5%b5%d5%b4%d5%a1%d5%b6-%d5%a1%d5%b5%d6%81%d5%a5%d5%ac%d5%a5/

Eco.am սոցիալական հարթակը Երևանի բուսաբանական այգուց տեղեկացավ, որ ինչպես Սևանի, այնպես էլ Վանաձորի բուսաբանական այգիները համարվում են Երևանի բուսաբանական այգու բաժանմունքները։

Բուսաբանության ինստիտուտի Վանաձորի բուսաբանական այգին հիմնադրվել է 1936 թվականին, Վանաձոր գետի գեղատեսիլ կիրճում` 12 հա մակերեսով, 1400-1450 մ բարձրության վրա։

Գոյության ավելի քան 80 տարիների ընթացքում ստեղծվել է արժեքավոր ծառաբույսերի հարուստ հավաքածու՝ շուրջ 590 տեսակ, որոնք պատկանում են 140 ցեղի և 47 ընտանիքի։

Վանաձորի բուսաբանական այգին աչքի է ընկնում հատկապես ասեղնատերևավորների հարուստ բազմազանությամբ՝ Մայրի, Եղևնի, Կենի, Խեժափիճի, Գետնանոճի, Մետասեքվոյա, Սեքվոյադենդրոն և այլ: Վերջինս համարվում է աշխարհի ամենաբարձրահասակ և երկարակյաց ծառատեսակներից մեկը, որը Հայաստանում հանդիպում է միայն Վանաձորի բուսաբանական այգում և Ստեփանավանի դենդրոպարկում:

Այգում աճում է նաև ՀՀ բույսերի Կարմիր գրքում գրանցված հետևյալ տեսակները՝ Արջատխլենի և Կենի հատապտղային:

Վանաձորի բուսաբանական այգին գտնվելով լեռնային անտառային գոտում, աչքի է ընկնում բազմաթիվ հազվագյուտ, արժեքավոր և բարձր գեղազարդ բույսերով, որի շնորհիվ այն դարձել է Վանաձոր քաղաքի բնակիչների, ինչպես նաև զբոսաշրջիկների ու հյուրերի սիրելի հանգստի վայրը։

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Զամբյուղ Հեռացվեց հետ բերել
  • Զամբյուղում դեռևս չի ավելացվել ապրանքներ։